Հայաստանի ոստիկանութիւնը հրապարակել է Հայաստանի Հանրապետութեան ընտրողների ռեգիստրում ընդգրկուած ընտրողների ընդհանուր թիւը` իւրաքանչիւր լրացուցիչ ցուցակում ընդգրկուած ընտրողների թուի նշմամբ: Ըստ այդմ, ապրիլի 6-ի դրութեամբ, հայաստանի Հանրապետութեան ընտրողների ռեգիստրում ընդգրկուած ընտրողների ընդհանուր թիւն է` 2.482.739, որից այլ համայնքի հաշուառում ունեցող, ըստ հաշուառման վայրի ընտրողների ցուցակից ժամանակաւորապէս հանուած եւ ըստ քուէարկելու օրը գտնուելու վայրի ընտրական տեղամասի ընտրողների լրացուցիչ ցուցակ ընդգրկուած են 74, հայաստանի Հանրապետութիւնում հաշուառում չունեցող, քուէարկութեան օրը Հայաստանի Հանրապետութիւնում գտնուելու վայրի մօտակայ ընտրական տեղամասի ընտրողների լրացուցիչ ցուցակ ընդգրկուած` 2, քուէարկութեան օրը ընտրական տեղամասեր գործուղուող, իրենց հաշուառման վայրի ընտրողների ցուցակից հանուած եւ ընտրական տեղամասում քուէարկող ոստիկաների լրացուցիչ ցուցակ ընդգրկուած` 10, ստացիոնար բուժում իրականացնող բժշկական հաստատութիւնում քուէարկութեանը մասնակցող ընտրողների լրացուցիչ ցուցակ ընդգրկուած` 0:

---