Կրթութեան եւ գիտութեան ոլորտում ներդրած մեծագոյն աւանդի եւ Հայաստանում Ֆրանսիական համալսարանի զարգացման գործում ունեցած աւանդի համար "Հայաստանում Ֆրանսիական համալսարան" հիմնադամի ռեկտոր, իրաւաբանական գիտութիւնների դոկտոր Ժոել Լը Մորզելեկն այսօր պարգեւատրուել է ՀՀ կրթութեան եւ գիտութեան նախարարութեան բարձրագոյն պարգեւով` "Ոսկէ յուշամեդալով", որը յանձնել է նախարար Արմէն Աշոտեանը: Նշելով, որ աւարտւում է տիկին Լը Մորզելեկի աշխատանքային գործունէութեան ժամկէտը Ֆրանսիական համալսարանի ռեկտորի պաշտօնում` նախարարը շնորհակալութիւն է յայտն ել արդիւնաւէտ աշխատանքի համար եւ ընդգծել ռեկտորի անձնական նուիրումը: "Ֆրանսիական համալսարանը տիկին ժոել Լը Մորզելեկի ղեկավարման օրօք նոյնպէս ապրել է Հայաստանի հետ միասին` Հայաստանի կրթական համակարգին օգնելով եւ կիսելով նոյն խնդիրները: Այս ընթացքում իրականացուել են մի շարք լաւ ծրագրեր, եւ շարունակելով համալսարանի լաւագոյն աւանդոյթները` բուհը թեւակոխել է զարգացման նոր փուլ"-նշել է Ա. Աշոտեանը` յոյս յայտնելով, որ տիկին Լը Մորզելեկը Հայաստանից հեռանում է լաւագոյն յիշողութիւններով եւ վերադառնալու ակնկալիքով: Տիկին ռեկտորը շնորհակալութիւն է յայտնել յուշամեդալի համար` նշելով. "Ինձ համար որպէս անձ մեծ պատիւ է նման պարգեւի արժանանալ, քանի որ աշխատելով Հայաստանում` ես բացայայտել եմ Հայաստանի ողջ մշակոյթը եւ հեռանում եմ մեծ յիշողութիւններով: Հայաստանն այն երկիրն է, որտեղ մէկ անգամ ոտք ես դնում, այլեւս չես կարող չվերադառնալ: Որպէս ռեկտոր` ես փորձել եմ միշտ ի կատար ածել, յարգել, պաշտպանել ՀՀ օրէնսդրութեան պահանջները": Տիկին Լը Մորզելեկը շնորհակալութիւն է յայտնել նաեւ Ֆրանսիական համալսարանի կոլեկտիւին` նշելով, որ թիմային աշխատանքը յաջողութեան գր աւականներից մէկն է: Միջոցառմանը ներկայ է գտնուել նաեւ ՀՀ-ում Ֆրանսիայի արտակարգ եւ լիազօր դեսպան Անրի Ռենոն:

---