12 Մայիս 2012, երեկոյեան ժամը 4.00-ին, ընդառաջելով Դպրեվանքի տեսչութեան լիբանանահայ դպրոցներու աշակերտութեան ուղղած հրաւէրին, Ազգային Քառասուն Մանուկ եւ Աբգարեան դպրոցներէն 6-րդ դասարանի 16 աշակերտներ, իրենց ուսուցչուհիներուն գլխաւորութեամբ, Դպրեվանք եկան եւ ծանօթացան դպրեվանեցիներուն: Աշակերտներ սաներու առաջնորդութեամբ այցելեցին Ապրիլեան Յուշարձան եւ Դպրեվանքի շէնք: «Բրաբիոն Տումանեան» հանդիսասրահին մէջ Տեսուչ Սրբազան Հայրը՝ Գերշ. Տ. Նարեկ Արք. Ալեէմէզեան բարի գալուստ մաղթեց աշակերտներուն եւ քաջալերեց, որ կոչում ունեցողները յաջորդ տարեշրջանին Դպրեվանքի սան դառնան: Աշակերտական այցելութիւնը աւարտեցաւ երեկոյեան ժամերգութեամբ եւ հիւրասիրութեամբ:

---