Հայաստանի դեսպան Ռուբէն Կարապետեանը հանդիպում է ունեցել
Իտալիայի խորհրդարանի պատգամաւորների պալատի նախագահի հետ
23-06-2010 18:02:00 | | Քաղաքական
ՀՌՈՄ, 23 ՅՈՒՆԻՍԻ, ՆՈՅԵԱՆ ՏԱՊԱՆ: Իտալիայում Հայաստանի դեսպան
Ռուբէն Կարապետեանը ապրիլի 22-ին հանդիպում է ունեցել Իտալիայի
խորհրդարանի պատգամաւորների պալատի նախագահ Ջիանֆրանկո Ֆինիի
(Gianfranco Fini) հետ:
Ըստ ՀՀ ԱԳՆ Մամուլի եւ տեղեկատուութեան վարչութեան
հաղորդագրութեան, հանդիպման ընթացքում քննարկուել են երկկողմ
յարաբերութիւնների խորացման, խորհրդարանական դիւանագիտութեան
ակտիւացման, հայ-իտալական առնչութիւնների հարուստ պատմութեան
հանրայնացման հետ կապուած մի շարք հարցեր: Երկուստեք կարեւորվել է
համագործակցութեան մակարդակի բարձրացումը ներդրումային եւ
մշակոյթային խոշոր ծրագրերի, ինչպէս նաեւ փոխայցելությունների
իրականացմամբ:
Ռ.Կարապետեանը ներկայացրել է ԼՂ հիմնախնդրի ներկայիս
իրավիճակը` մանրամասն անդրադարձ կատարելով ադրբեջանական վերջին
յարձակմանը: Ջ.Ֆինին իր հերթին նշել է Իտալիայի հաւասարակշիռ
մօտեցումը հիմնախնդրի նկատմամբ` ընդգծելով «խորհրդային ծանր
ժառանգութեան» փաստն ու հայկական կողմի խոհեմ եւ հետեւողական
քաղաքականութիւնը արցախեան հիմնախնդրի կարգաւորման ուղղութեամբ:
Նա բարձր է գնահատել հայկական դիւանագիտութիւնը, որին յաջողուել է
Հայաստանի համար առաւել շահեկան դիրք եւ վստահելի գործընկերոջ
համբաւ ապահովել միջազգային ասպարէզում: