Յունիսի երկրորդ կէսին Հայաստան է ժամանելու Աուստրիայի
արտգործնախարարը
08-06-2010 20:30:00 | Հայաստան | Քաղաքական
ԵՐԵՎԱՆ, 8 ՅՈՒՆԻՍԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Յունիսի 8-ին
արտգործնախարար Էդվարդ Նալբանդյանն ընդունեց Հայաստանում Աուստրիայի
Հանրապետութեան նորանշանակ դեսպան Մայքլ Փոսթլ (Mr. Michael
Postl)` հաւատարմագրերի պատճենի յանձնման կապակցութեամբ: Նախարար
Նալբանդեանը շնորհաւորելով դեսպան Փոսթլին նշանակման
կապակցութեամբ, հոյս յայտնեց, որ նա իր կարեւոր ներդրումը կունենայ
հայ-աուստրիական բարեկամական յարաբերութիւնների առաւել ամրապնդման
գործում: Հայաստանի արտաքին քաղաքական գերատեսչութեան ղեկավարը
կարեւորեց տարբեր ուղղութիւններով երկկողմ համագործակցութեան
խթանման նպատակով քայլերի ձեռնարկումը: Այդ ենթատեքստում Էդվարդ
Նալբանդեանը նշեց, որ յունիսի երկրորդ կէսին նախատեսուած Աուստրիայի
արտգործնախարար Միքայէլ Շպինդելեգեռի այցելութիւնը Հայաստան նոր
լիցք կհաղորդի հայ-աուստրիական յարաբերութիւններին, յատկապէս, որ
նախարարի հետ Երեւան է ժամանելու աուստրիացի գործարարների
ներկայացուցչական պատուիրակութիւն եւ տեղի է ունենալու գործարար
համաժողով:
Դեսպան Մայքլ Փոսթլը շնորհակալութիւն յայտնելով
բարեմաղթանքների համար ընդգծեց, որ Աուստրիան մեծ նշանակութիւն է
տալիս Հայաստանի հետ համակողմանի յարաբերութիւնների զարգացմանը եւ
վստահեցրեց, որ իր առաքելութեան ընթացքում ջանքեր կգործադրի այդ
նպատակով:
Նախարար Նալբանդյանն ու դեսպան Փոսթլը մտքեր փոխանակեցին
Հայաստան-Եւրոպական Միութիւն յարաբերութիւնների, ինչպէս նաեւ
Հարաւային Կովկասի տարածաշրջանային հարցերի շուրջ: Հանդիպման
կադրերը հնարաւոր է ձեռք բերել հետեւեալ ինտերնետային կայքից`
http://mail.mfa.am/video/video.html:
Տեղեկանք. Մայքլ Փոսթլը ծնուել է 1966 թ. Վիեննայում:
1986-1991թթ. ուսանել է իրաւագիտութիւն Վիեննայի համալսարանում,
ստացել է իրաւաբանական գիտութիւնների մագիստրոսի աստիճան: 1993թթ.
Վիեննայի համալսարանում գիտական թեզ Եւրոպական, սահմանադրական Յ
միջազգային իրաւունքից, ստացել է դոկտորի գիտական աստիճան: 1994 թ.
տարբեր պաշտօններ է զբաղեցրել ԱԳ դաշնային նախարարութիւնում եւ
արտերկրում Աուստրիայի դիւանագիտական ներկայացուցչություններում:
2006-2009 թթ.եղել է Աուստրիայի դեսպանը Իրանում: Տիրապետում է
անգլերէն, ֆրանսերէն, իտալերէն, իսպաներեն եւ պարսկերէն
լեզուներին: