Ռուսաց լեզուի օրը ՄԱԿ - ում նշւում է յունիսի սկզբին, որը համընկնում է նշանաւոր ռուս բանաստեղծ Ալեքսանդր Պուշկինի ծննդեան օրուան (յունիսի 6): Ուսանողները երգում եւ կարդում են Պուշկինի բանաստեղծութիւնները: Դաֆինայ Գերչեւան` ՄԱԿ - ի մշտական համակարգողը, ասաց. «ուրախ եմ տեսնել այսքան շատ երիտասարդներ այս լսարանում: Կարեւոր է, որ հայերը սովորում են ռուսերէն, ինչը կ'ոգնի նրանց բացել սահմանները եւ սովորել աւելին իրենց շրջապատող աշխարհի մասին,որը կ'ոգնի նրանց դառնալ աշխարհի քաղաքացիներ: Մենք ապրում ենք բազմալեզու աշխարհում, որտեղ լեզուները , որով մենք խօսում, կարդում, կամ գրում ենք, ազդում են մեր մտածելակերպի եւ մեր գործունէութեան վրայ է: Արմեն Դարբինեանը` Ռուս – հայկական (Սլաւոնական) համալսարանի ռեկտորը, խօսեց Հայաստանում ռուսերէնի ուսուցման հնարաւորութիւնների մասին եւ այն կարեւոր դերի մասին, որը ստանձնում է ռուսաց լեզուն ՄԱԿ-ի ուղերձը աշխարհով սփռելու գործում: Հայաստանում Ռուսասստանի Դաշնութեան դեսպան `Վեաչեսլաւ Կովալենկոն, խօսեց Մակ-ոմ ռուսաց լեզուի կիրառման մասին եւ կոչ արեց հայ երիտասարդութեանը յետագայում եւս ուսումնասիրել այս լեզուն: Միջոցառումը կազմակերպուած էր ՄԱԿ-ի Հանրային Տեղեկատուութեան բաժնի եւ Հայ-ռուսական (Սլաւոնական) համալսարանի կողմից եւ անցկացւում էր Ռուսասստանի Դաշնութեան, Բելառուսի , Ղազաղստանի եւ Ռոսսոտրուդնիչեստուո-ի աջակցութեամբ: Այն անցկացուեց Հանրային Տեղեկատուութեան եւ համալսարանի համագործակցութեան ծրագրի շրջանակներում: Արաբերէնը, չինարէնը, անգլերէնը, ֆրանսերէնը, ռուսերէնը եւ իսպաներէնը ՄԱԿ-ի վեց պաշտօնական լեզուներն են: 2010թ Նիւ-Եօրքում ՄԱԿ-ի Հանրային Տեղեկատուութեան բաժինը յայտարարեց ՄԱԿ-ում լեզուների օրերի մեկնարկի մասին. նախագիծ, որը ուղղուած է տօնելու բազմալեզուութիւնը եւ մշակութեան բազմազանութիւնը: ՄԱԿ-ի Տեղեկատուութեան բաժնի Երեւանեան գրասենեակը իր գործընկերների հետ նշում է ՄԱԿ-ի վեց պաշտօնական լեզուների օրերը:

---