Յունիսի 5-ն տեղի ունեցաւ Հայաստանի Հանրապետութեան 5-րդ գումարման Ազգային ժողովի «Ժառանգութիւն» խմբակցութեան անդրանիկ նիստը: Օրակարգում էին խմբակցութեան ղեկավարի ու քարտուղարի ընտրութեան, ԱԺ մշտական յանձնաժողովներում խմբակցութեան անդամների ընտրութեան եւ այլ հարցեր: Միաձայն որոշմամբ խմբակցութեան ղեկավար ընտրուեց Ռուբեն Յակոբեանը, քարտուղար` Զարուհի Փոստանջեանը: «Ժառանգութիւն»կուսակցութեան լրատուական ծառայութիւնից յայտնում են, որ խմբակցութեան որոշմամբ ԱԺ Գիտութեան, կրթութեան, մշակոյթի, երիտասարդութեան ու սպորտի հարցերի, ինչպէս նաեւ Տարածքային կառավարման եւ տեղական ինքնակառավարման հարցերի մշտական յանձնաժողովներում խմբակցութեան ներկայացուցիչ ընտրուեց Ռուբեն Յակոբեանը, Պետական-իրաւական հարցերի ու Գիւղատնտեսական եւ բնապահպանական հարցերի մշտական յանձնաժողովներում «ժառանգութեան» ներկայացուցիչը կը լինի Զարուհի Փոստանջեանը, Արտաքին յարաբերութիւնների ու Մարդու իրաւունքների պաշտպանութեան եւ Հանրային հարցերի մշտական յանձնաժողովներում հանրութեանը կը ծառայի Ալեքսանդր Արզումանեանը, Տնտեսական հարցերի եւ Պաշտպանութեան, ազգային անվտանգութեան եւ ներքին գործերի մշտական յանձնաժողովներում կ'աշխատի Խաչատուր Քօքոբելեանը:

---