Ադրբեջանական լրատուամիջոցների կողմից տարածուող լուրերը, թէ իբր ղարաբաղա-ադրբեջանական հակամարտ զօրքերի շփման գծի Աղդամի եւ Ֆիզուլու ուղղութեամբ ընթանում են մարտական գործողութիւններ, ոչ այլ ինչ են, քան երեւակայութեան արդիւնք: Իրականում, համեմատած նախորդ օրերի հետ, յունիսի 7-ին լոյս 8-ի գիշերը եւ օրուայ ընթացքում առաջնային գծի տարբեր հատուածներում արձանագրուել է հրադադարի ռեժիմի խախտման դէպքերի յաճախականութեան նկատելի աճ, որը սակայն որեւէ կերպ չի ազդել եւ չի ազդում ընդհանուր իրավիճակի վրայ: ՊԲ Լրատուութեան եւ քարոզչութեան բաժնից տեղեկացնում են, որ ԼՂՀ ԶՈՒ առաջապահ ստորաբաժանումները վստահօրէն վերահսկում են սահմանագծի ողջ երկարութեամբ տիրող իրավիճակը եւ պատշաճ կերպով իրականացնում իրենց առջեւ դրուած մարտական խնդիրը:

---