ԱՆԹԻԼԻԱՍ - Չորեքշաբթի երեկոյեան, Ն.Ս.Օ.Տ.Տ. Արամ Ա. Կաթողիկոս ընդունեց Ասորի Ուղղափառ եկեղեցիէն Մետրոպոլիտ Ժորժ Սալիպա, Լեռնալիբանանի Առաջնորդ, Մետրոպոլիտ Տանիէլ, Առաջնորդ Պէյրութի, Ղպտի Ուղղափառ եկեղեցիէն Մետրոպոլիտ Պիշոյ, Սինոտի Ընդհանուր Քարտուղար, եւ Մետրոպոդլիտ Բենիամին, Պատրիարքական օգնական: Հանդիպման ներկայ էր նաեւ Կաթողիկոսարանի Միջ–եկեղեցական յարաբերութեան Վարտիչ Նարեկ Արք. Աելէմզեան: Հանդիպումը առիթ մը եղաւ ընդհանուր արժեւորումի ենթարկելու Միջին Արեւելքի ներկայ կացութիւնը ու անոր հետեւանքները քրիստոնեայ համայնքներուն, ՄԱԵԽ–ի աշխատանքին նոր մղում տալու հրամայականը, ինչպէս նաեւ հայ, ասորի եւ ղպտի ուղղափառ եկեղեցիներու միջեւ Միջին Արեւելքէն ներս գործակցութիւնը ամրապնդելու անհրաժեշտութիւնը: Խորհրդակցական հանդիպումէն յետոյ ներկաները ընթրիքի հիւրը եղան Վեհափառ Հայրապետին:

---