Երկուշաբթի օրը Շանհայում կայացել է բարեգործական հեղինակաւոր գալայ համերգ, որին մասնակցելու նպատակով Չինաստան էր հրաւիրուել Շառլ Ազնաւուրը: Երէկ Չինաստանում Հայաստանի դեսպանութեան նախաձեռնութեամբ կազմակերպուել է Ազնաւուրի հանդիպումը շանհայաբնակ հայութեան հետ: Դեսպան Արմէն Սարգսեանը հիւրին ներկայացրել է հաւաքին ժամանած շուրջ 20 երիտասարդ հայերի, որոնք տարաբնոյթ հարցեր են ուղղել մեծանուն հայրենակցին: Արտգործնախարարութեան մամուլի եւ տեղեկատուութեան վարչութեան փոխանցմամբ` ջերմ մթնոլորտում անցած հանդիպման ընթացքում Շառլ Ազնաւուրը խօսել է Հայաստանի, հայապահպանման հարցերի մասին` կարեւորելով երիտասարդութեան դերը երկրի կայացման եւ զարգացման գործում: «Արձագանք» ռադիօկայան

---