«Երթեւեկութեան նկատմամբ վերահսկողութեան եւ իրաւախախտումների արձանագրման արագաչափ սարքերն ու տեսախցիկները փորձաքննութիւն անցե՞լ են»: «Փաստինֆո» գործակալութեան հարցին Չափագիտութեան ազգային ինստիտուտի տնօրէն Վահան Սահակեանը պատասխանեց. «Այոյ, ի հարկէ: Դրանցով տուգանքներ են հաշւում, ինչպէս կարող էին փորձաքննութիւն չանցնել»: «Այդ դէպքում ինչպէ՞ս կը մեկնաբանէք արագաչափերի հետ կապուած վարորդների դժգոհութիւնը» հարցին Վահան Սահակեանը պատասխանեց. «Ինքս մեքենայ վարել չեմ սիրում, մեքենայ էլ չունեմ, որ իմանամ` արագաչափերի հետ կապուած ինչ խնդիրներ են ընդհանրապէս առաջանում: Եթէ մեքենայ ունենայի, գուցէ այդ խնդիրներից տեղեակ լինէի, ինձ հետաքրքրէր, թէ ինչ է կ'ատարւում»: Յիշեցնենք, որ «Փաստինֆո» գործակալութեան թղթակցի հետ զրոյցում վարորդների իրաւունքների պաշտպանութեամբ զբաղուող «Աքիլլես» ՀԿ նախագահ Էդուարդ Յովհաննիսեանը նշել էր, որ կազմակերպութիւնը բազմաթիւ դժգոհութիւններ է ստանում` կապուած արագաչափերի հետ: Իսկ հարցին` արդեօ՞ք դրանք անցել են փորձաքննութիւն, Է. Յովհաննիսեանը պատասխանել էր. «Պէտք է որ անցած լինեն»: «Փաստինֆո»

---