Տիգրան Դաւթեան. Կառավարութիւնն առաջիկայ տարիներին խնդիր
ունի կտրուկ նուազեցնել դեֆիցիտի մակարդակը
19-05-2010 21:30:00 | Հայաստան | Տնտեսութիւն
ԵՐԵՎԱՆ, 19 ՄԱՅԻՍԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Այս տարի
Հայաստանն ունի բաւականին բարձր բիւջէի դեֆիցիտ, որը կազմում է
ՀՆԱ 6 տոկոսը` 193 մլրդ դրամի չափով: Այս մասին Ազգային
ժողով-կառավարութիւն հարցուպատասխանի ժամին մայիսի 19-ին յայտնեց
Հայաստանի Ֆինանսների նախարար Տիգրան Դավթեանը, ընդգծելով, որ
առաջիկայ տարիներին խնդիր կայ կտրուկ նուազեցնել դեֆիցիտի մակարդակը,
որովհետեւ բիւջէի դեֆիցիտը նաեւ գնաճի ձեւաւորման կարեւորագոյն
կոմպոնենտներից մէկն է:
Նախարարն անդրադարձաւ նաեւ գիւղատնտեսական վարկերի խնդրին.
ըստ նրա, ճգնաժամային 2009թ. տրամադրվել է մօտ 72 հազար
գիւղատնտեսական վարկ: Դրանցից գիւղացիների համար խնդիրներ են
առաջացել ընդամէնը 360-ի դէպքում, ինչը, ըստ նախարարի, ամբողջ
ծաւալի մէջ կազմում է 0,5 տոկոսը: