«Ժառանգութիւն» կուսակցութեան առաջնորդ, խորհրդարանական նոյնանուն խմբակցութեան անդամ Րաֆֆի Յովհաննիսեանի հացադուլ իրականացնելու ընթացքում մէկ վրան կամ մէկ հովանոց տեղադրելու արգելքը ՀՀ Մարդու իրաւունքների պաշտպան Կարէն Անդրէասեանը գնահատում է որպէս մարդու իրաւունքների խախտում, իսկ ՀՀ ոստիկանութեան գործողութիւնները՝ ոչ իրաւաչափ: Մարտի 21-ի յայտարարութիւնում պաշտպանը նշել է, որ անձի կողմից մէկ վրանի տեղադրումը որպէս ոչ զանգուածային հրապարակային միջոցառմանը ուղեկցող գործողութիւն` ինքնին չի կարող որակուել որպէս հասարակական կարգի խախտում: Պաշտպանի այս եզրահանգումը հիմնուած է հետեւեալ իրադարձութիւնների եւ իրաւական փաստարկների վրայ: Մարտի 16-ին ՀՀ ԱԺ պատգամաւոր Լարիսա Ալաւերդեանը ՀՀ մարդու իրաւունքների պաշտպանին ուղղած բանաւոր հաղորդագրութեամբ նշել է, որ 15.03.2011թ-ին երեկոյեան այցելել էն Ազատութեան հրապարակ, որտեղ փորձել էն հացադուլ իրականացնող Րաֆֆի Յովհաննիսեանի համար վրան կամ տաքացուցիչ տեղադրել, ինչին ոստիկանները ամէն կերպ խոչընդոտել էն: Ըստ պաշտպանի, քննարկուող հարցի վերաբերեալ ՀՀ օրէնսսդրութեան եւ միջազգային իրաւական նորմերի վերլուծութիւնից բխում է հետեւեալը. - Խաղաղ ժողովներ, հանրահաւաքներ, երթեր կամ ցոյցեր (այդ թւում` նաեւ նստացոյցնէր), ինչպէս նաեւ այլ միջոցառումներ անցկացնելու հետ կապուած յարաբերութիւնները կարգաւորւում էն ,ժողովներ, հանրահաւաքներ, երթեր եւ ցոյցեր անցկացնելու մասինէ ՀՀ օրէնքով: Նշուած օրէնքով ամրագրուած է քաղաքացիների կողմից առանց լիազօր մարմնին իրազեկման ոչ զանգուածային հրապարակային միջոցառումներ անցկացնելու իրաւունքը` հասարակական կարգը չխախտելու պայմանով: - Մարդու իրաւունքների եւրոպական դատարանի կողմից սահմանուած անկիւնաքարային մօտեցումը դրսեւորւում է հաւաքների ազատութեան իրաւունքի ապահովման առնչութեամբ ցուցարարների համար` իրենց տեսակէտները արտայայտելուն ուղղուած բաւարար հնարաւորութեան ապահովման պարտաւորութեան պահպանման անհրաժեշտութեան մէջ: - Հաւաքի ժամանակաւոր բնոյթի վերաբերեալ եզրոյթը չպէտք է կանխարգելի ոչ մշտական կառուցուածքների եւ վրանների տեղադրումը: «Վերոյիշեալ եզրակացութիւնը բխում է Մարդու իրաւունքների եւրոպական կոնուենցիայով սահմանուած` վտանգի տակ գտնուող անձի կեանքի պաշտպանութեան համար գործնական կանխարգելիչ միջոցներ կիրառելու պետութեան պոզիտիւ պարտաւորութեան բովանդակութիւնից, առողջութեան պահպանման իրաւունքի ապահովման` պետութեան համապատասխան պոզիտիւ պար-տա-վո-րու-թիւն-ներից, ինչպէս նաեւ այն հանգամանքից, որ ՀՀ օրէնսդրութեան մէջ բացակայում է հրապարակային մի-ջոցառում իրականացնելիս վրաններ կամ այլ ժամանակաւոր կ'առոյցնէր տեղադրելու վերաբերեալ արգելքի մասին դրոյթը: Ելնելով ՀՀ օրէնսդրութեան եւ միջազգային նորմերի պահանջներից, մարդու իրաւունքների եւ ազատութիւնների պաշտպանութեան անհրաժեշտութիւնից, ինչպէս նաեւ ղեկավարուելով մարդասիրութեան հիմնարար սկզբունքով, կոչ եմ անում ՀՀ ոստիկանութեանը թոյլատրել վրանի կամ հովանոցի տեղադրումը»,- ասուած է ՀՀ Մարդու իրաւունքների պաշտպանի յայտարարութիւնում:

---