ԵՄ բարձր ներկայացուցիչ Քեթրին Էշթօնի եւ յանձնակատար Շտեֆան Ֆիւլէի մամլոյ խօսնակների յայտարարութիւնը` Ռամիլ Սաֆարովի ազատման վերաբերեալ Եւրոպական միութեան արտաքին յարաբերութիւնների եւ անվտանգութեան քաղաքականութեան Բարձր ներկայացուցիչ եւ Յանձնաժողովի փոխնախագահ Քեթրին Էշթօնի եւ Ընդլայնման եւ Հարեւանութեան քաղաքականութեան եւրոպական յանձնակատար Շտեֆան Ֆիւլէի մամլոյ խօսնակներն այսօր հանդէս են եկել հետեւեալ յայտարարութեամբ: «Բարձր ներկայացուցիչն ու Շտեֆան Ֆիւլեն մտահոգուած են, տեղեկանալով, որ ադրբեջանի նախագահը ներում է շնորհել ռամիլ Սաֆարովին, ով մեղադրուել եւ դատապարտել էր ցմահ ազատազրկման 2004թ.-ին Բուդապեշտում հայազգի սպայ Գուրգէն Մարգարեանին սպանելու կապակցութեամբ: Ռամիլ Սաֆարովը, Ադրբեջանի խնդրանքով, «Դատապարտեալների փոխանցման մասին» 1983 թ.-ի մարտի 21-ի Ստրասբուրգեան կոնուենցիայի շրջանակներում, ս.թ. օգոստոսի 31-ին Հունգարիայից տեղափոխուել է Ադրբեջան, պատիժը կրելու նպատակով: ԵՄ ներկայացուցիչները դիմել են համապատասխան կառոյցներին եւ հետեւելու են իրադարձութիւնների յետագայ զարգացմանը: Եւրոպական միութեան արտաքին յարաբերութիւնների եւ անվտանգութեան քաղաքականութեան բարձր ներկայացուցիչ եւ յանձնաժողովի փոխնախագահ Քեթրին Էշթօնի եւ Ընդլայնման եւ հարեւանութեան քաղաքականութեան եւրոպական յանձնակատար Շտեֆան Ֆիւլեն վերստին կոչ են անում Հայաստանին ու Ադրբեջանին զերծ մնալ հրապարակային յայտարարութիւններից, իրավիճակի վատթարացում թոյլ չտալու նպատակով` ի շահ տարածաշրջանում կայունութեան հաստատման եւ հաշտեցմանն ուղղուած ջանքերի»:

---