Բուհերին տեղեկատուական ենթակառուցուածքներով ապահովելու` Հայաստանի հեռահաղորդակցութեան առաջատար օպերատորի ծրագիրը շարունակւում է 28-ը սեպտեմբերի, 2012, Երեւան, Հայաստան: Հայաստանի հեռահաղորդակցութեան առաջատար օպերատորն ընդառաջ է գնում ուսումնական նպատակներն իրագործելու բուհերի ռազմավարութեանը: ՎիւաՍել-ՄՏՍ-ի հետ համագործակցող 29 բուհից 16-ն ապահովուել են տեղեկատուական ժամանակակից ենթակառուցուածքներով: Բուհերում յարմարաւէտ ուսումնական միջավայր ստեղծելու ՎիւաՍել-ՄՏՍ-ի պատրաստակամութիւնը բխում է այն համոզմունքից, որ ուսումնական գործընթացների կազմակերպման ժամանակակից մեթոդների կիրառումը հաւասարապէս կարեւոր է մարզերում: Յիշեցնենք, որ 3 տարի առաջ կազմակերպուած դասախօսութեան արդիւքում, ՀՊՏՀ Եղէգնաձորի մասնաճիւղի ուսանողները հասցրել են ծանօթանալ ՎիւաՍել-ՄՏՍ-ի կուտակած փորձին եւ բացայայտել յաջողութեան հասնելու ընկերութեան գաղտնիքը: Այսօր արդէն` եկել է նորարարական տեխնոլոգիաների հնարաւորութիւններից օգտուելու, լիարժէք մասնագիտանալու եւ ապագայում`գիտելիքները երկրի տնտեսութեան զարգացմանը ծառայեցնելու ժամանակը: Հայաստանի հեռահողորդակցութեան առաջատար օպերատորը ՀՊՏՀ Եղէգնաձորի մասնաճիւղը համալրել է 12 նոր` առաւել հզօր համակարգիչներով ապահովուած, ինտերնետ հասանելիութեամբ լսարանով, «Home-Zone Turbo» փաթեթի շրջանակներում գործող` 3G երթուղիչով: Կրթական այդ լաբորատորիայում տեղադրուած է լազերային տպիչ, դասախօս-ուսանող արդիւնաւէտ հաղորդակցութեանը նպաստող ինտերակտիւ գրատախտակ իր լուսարձակով եւ` փոխանջատիչ: Համալսարանի ՏՏ լաբորատորիայում կը գործի նաեւ Wi-Fi անկիւն: «Համացանցի տեղեկատուական հզօր բազան կարելի է հրաշալի ծառայեցնել կրթութեան նպատակներին: Դա թոյլ կը տայ տնտեսել ժամանակը, բարձրացնել տեղեկացուածութեան մակարդակը եւ ձեռք բերել արագ որոշումներ կայացնելու հմտութիւն: Նման պայմանների առկայութիւնը կարեւոր է` ուսանողներին մասնագիտացման հարցում ուղղորդելու համար: Վիւասել-մտս-ը ձգտում է կրթութեան ժամանակակից ենթակառուցուածքները հասանելի դարձնել նաեւ մարզերի ուսանողութեանը.,- ասել է ՎիւաՍել-ՄՏՍ-ի գլխաւոր տնօրէն Ռալֆ Յիրիկեանը: Տեխնոլոգիապէս յագեցած ժամանակակից ուսումնական եւ աշխատանքային միջավայրը նոր խթան կը հանդիսանայ ՀՊՏՀ Եղէգնաձորի մասնաճիւղի արդիւնաւէտ գործունէութեան համար:

---