Իրանը այն համոզմանն է, որ Հայաստանի եւ Ադրբեջանի միջեւ յարատեւ խաղաղութեան հաստատման համար հակամարտութիւնը պէտք է կ'արգաւորուի երկխօսութեան, ռազմական որեւէ ուժի չկիրառման եւ ինքնորոշման իրաւունքի հարգման միջոցով
Իրանը այն համոզմանն է, որ Հայաստանի եւ Ադրբեջանի միջեւ յարատեւ խաղաղութեան հաստատման համար հակամարտութիւնը պէտք է կ'արգաւորուի երկխօսութեան, ռազմական որեւէ ուժի չկիրառման եւ ինքնորոշման իրաւունքի հարգման միջոցով
14-05-2011 13:44:22 | | Քաղաքական
Երեւանում Իրանի Իսլամական Հանրապետութեան դեսպանութիւնը մայիսի 13-ին տարածել է յայտարարութիւն, որում ասուած է.
«Երեւանում Իրանի Իսլամական Հանրապետութեան դեսպանութիւնը մէկ անգամ եւս շեշտում է, որ ԻԻՀ պաշտօնական դիրքորոշումը արտաքին քաղաքականութեան բոլոր խնդիրների վերաբերեալ արտայայտւում է մեծարգոյ նախագահի, արտաքին գործերի նախարարի եւ ԱԳՆ խօսնակի կողմից, ուստի յիշատակուած շրջանակից դուրս արտայայտուած ցանկացած տեսակէտ համարւում է անձնական մօտեցում:
Դեսպանութիւնը յայտնում է, որ ԻԻՀ արտաքին քաղաքականութիւնը տարածաշրջանային բոլոր հակամարտութիւնների վերաբերեալ հիմնուած է եղել կողմերին երկխօսութեան հրաւիրելու եւ հակամարտութիւնները կարգաւորելու եւ տարածաշրջանում խաղաղութիւն եւ կայունութիւն հաստատելու ուղղութեամբ միջնորդական ջանքերը սատարելու վրայ, եւ Տաջիկստանի, Աֆղանստանի ու Իրաքի ներքին հակամարտութիւնների կարգաւորման ուղղութեամբ ձեռնարկուած քայլերը դրա վկայութիւնն է: Հայաստանի Հանրապետութեան եւ Ադրբեջանի Հանրապետութեան միջեւ հակամարտութեան վերաբերեալ եւս այն համոզմանն է եղել, որ յարատեւ խաղաղութեան հաստատման համար այն պէտք է կարգաւորուի երկխօսութեան, ռազմական որեւէ ուժի չկիրառման եւ ինքնորոշման իրաւունքի յարգման միջոցով: Եւ քանի որ Իրանի Իսլամական Հանրապետութիւնը միակ երկիրն է, որը հակամարտութեան գօտու հետ ունի ընդհանուր սահման, ուստի ցանկացած հրահրման եւ այս տարածաշրջանում լարուածութեան ստեղծման առնչութեամբ յայտնում է իր մտահոգութիւնը եւ թոյլ չի տալիս, որ նման հրահրումները տարածաշրջանում օտար ուժերի ներկայութեան առիթ դառնան»: