Յարուցուել է քրէական գործ` յանցագործութիւնները թաքցնելու դէպքի առթիւ ՀՀ Յատուկ քննչական ծառայութիւնում նոյեմբերի 7-ին ՀՀ քրէական օրէնսգրքի 308-րդ յօդուածի 1-ին մասի յատկանիշներով յարուցուել է քրէական գործ` ՀՀ ոստիկանութեան Երեւան քաղաքի վարչութեան Արաբկիրի բաժնի առանձին ծառայողների կողմից պաշտօնէական լիազօրութիւնները չարաշահելու դէպքի առթիւ: Պարզուել է, որ ՀՀ ոստիկանութեան Երեւան քաղաքի վարչութեան Արաբկիրի բաժնի առանձին ծառայողներ, 2011-2012թթ.ընթացքում ահազանգեր ստանալով մի քանի քաղաքացիներից` կողոպուտի, գողութեան, աւազակութեան դէպքերի վերաբերեալ, խմբային շահերից ելնելով, նշուած յանցագործութեան դէպքերը թաքցրել են եւ միջոցներ չեն ձեռնարկել դրանք բացայայտելու ուղղութեամբ` էական վնաս պատճառելով քաղաքացիների եւ պետութեան օրինական շահերին: Քրէական գործով կատարւում է նախաքննութիւն:

---