Նոյեմբերի 13-ին ՀՀ պաշտպանութեան նախարար Սեյրան Օհանեանի ղեկավարութեամբ ՊՆ վարչական համալիրում տեղի է ունեցել ՊՆ եւ ԶՈՒ ԳՇ վարչութիւնների պետերի, նրանց տեղակալների, առանձին ստորաբաժանումների ղեկավարների եւ զօրամասերի հրամանատարների մասնակցութեամբ խորհրդակցութիւն` նուիրուած ՀՀ Զինուած ուժերի կարգապահութեան, գաղափարադաստիարակչական եւ թիկունքային ապահովման որոշակի հարցերին: Խորհրդակցութեան ընթացքում քննարկուել են բազմաթիւ հարցեր, վեր են հանուել որոշակի թերութիւններ եւ ուղենշուել են յետագայ ծրագրերը: ՀՀ պաշտպանութեան նախարարը յատուկ յանձնարարականներ է տուել ՀՀ Զինուած ուժերում կարգապահութեան մակարդակի բարձրացման ուղղութեամբ:

---