Մարմարա Աւանդական »եաղլը կիւրէշ«ի յայտնի մարզիկ Ահմէտ Թաշչը կը փափաքի այս մարզաձեւը գովազդել եւ ատիկա ընելու համար մարտահրաւէր ուղղած է Ռուսաստանի Վարչապետ Վլատիմիր Փութինի։ Թուրք մարզիկը նշած է որ Մոսկուայի զբօսաշրջութեան ցուցահանդէսի բացումը պիտի կատարէ Վարչապետ Փութին, որ կը հետաքրքրուի աւանդական մարզաձեւերով. »Ես կը փափաքիմ ըմբշամարտել Փութինի հետ։ Եթէ ան հաւանութիւն յայտնէ, Քըրքփընարը պիտի գովազդուի եւ աշխարհ պիտի ճանչնայ այս մարզաձեւը«, ըսած է Թաշչը։ Նշենք որ 2010ի Դեկտեմբերին, Վլատիմիր Փութին այցելած էր Սէնթ Փէթէրսպուրկի »Մոսքովսքի« մարզա-առողջարարական համալիր, ուր համատեղ մարզումներու մասնակցած էր, իսկ յետոյ մենամարտած՝ ժիւտոյի Եւրոպայի արծաթեայ մետալակիր Արսէն Գալստեանի հետ։

---