Մարմարա Ռուսաստանցի Վլատիմիր Աւետիսեան դարձաւ Նիւ Եորքի մէջ կազմակերպուած աճուրդի մը հիմնական գնորդը։ Ան գնեց հանրայայտ բրիտանացի երաժիշտ Էրիք Քլէփթոնի հետ սա կամ նա կերպով առընչութիւն ունեցող կիթառներ, բարձրացուցիչներ եւ այլ իրեր։ Աճուրդը կազմակերպուեցաւ »Պոնհամս« աճուրդի տան կազմակերպուած աճուրդի արդինքով կազմակերպիչներ 2.2 միլիառ տոլար ապահովեցին, քառապատիկ գերազանցելով սկզբնական գումարը )400-600 հազար տոլար_։ Հասոյթը ամբողջութեամբ պիտի փոխանցուի Կուաթէմալայի Անտիկուա քաղաքի մէջ 1998ին Քլէփթոնի հիմնած կեդրոնի հիմնադրամին։ Աւետիսեան Տի Պլէք խումբի մենակատարն է եւ իր երգացանկին մէջ գլխաւորաբար Քլէփթոնի կատարումներն են։ Երաժիշտը գնած է աճուրդի հանուած իրերու մեծամասնութիւնը, սկսելով 1100 տոլար արժողութեամբ սովորական պայուսակէ մը, մինչեւ աճուրդի ամենասուղ իրը, 1948ին պատրաստուած կիթառ մը, որ վաճառուած է 82.96 հազար տոլարով։ »Ասիկա իմ հիմնական հոպին է, ես կը սիրեմ պլիւզ երաժշտութիւնը«, ըսաւ Վլատիմիր Աւետիսեան։ Ընդհանուր առմամբ աճուրդի հանուեցան 75 կիթառներ, 55 բարձրացուցիչ եւ ութ այլ իրեր։

---