Պարոն Անդրանիկ Միրզոյեանին ՀՀ Յատուկ քննչական ծառայութեան պետ Երեւան, Հայաստանի Հանրապետութիւն ՀԱՂՈՐԴՈՒՄ ՅԱՆՑԱԳՈՐԾՈՒԹԵԱՆ ՄԱՍԻՆ 03.03.2011 թուականին, ժամը 11.00-ի սահմաններում Հանրապետութեան հրապարակում` ՀՀ կապի եւ տրանսպորտի նախարարութեան յարակից տարածքում, Հանրապետութեան հրապարակի կենտրոնում` գորգի վրայ, եւ նախկինում տեղադրուած Լենինի արձանի յարակից տարածքում ոստիկանները` կոպտօրէն խախտելով «Ժողովներ, հանրահաւաքներ, երթեր եւ ցոյցեր անցկացնելու մասին» ՀՀ օրէնքը, յարձակուել էն եւ բիրտ ուժ էն կիրառել բացօթեայ առեւտրի իրաւունքից զրկուած քաղաքացիների, «Ժառանգութիւն» կուսակցութեան պատգամաւորներ Անահիտ Բախշեանի, Արմէն Մարտիրոսեանի եւ Զարուհի Փոստանջեանի, ինչպէս նաեւ` կուսակցութեան վարչութեան անդամների եւ բողոքին միացած այլ քաղաքացիների հանդէպ, ովքեր ցանկանում էին ՀՀ կառավարութեան շէնքի յարակից տարածքում անցկացնել բողոքի գործողութիւն' ընդդէմ ՀՀ կառավարութեան: Ոստիկանների կողմից իրականացուած անօրինականութիւնների եւ բռնարարքների հետեւանքով` ծրագրուած բողոքի գործողութիւնը հնարաւոր չի եղել իրականացնել, որը հաստատող համացանցում տեղադրուած տեսանիւթերի յղումները բերուած էն ստորեւ: Սոյն թուականի մարտի 3-ին ՀՀ կառավարութեանն առընթեր ոստիկանութեան հասարակայնութեան հետ կապի եւ լրատուութեան վարչութիւնը տարածել է երկու պաշտօնական հաղորդագրութիւն` նոյն օրը Հանրապետութեան հրապարակում տեղի ունեցած դէպքերի կապակցութեամբ: Առաջինը վերնագրուած է` «ԸՆԴԴԷՄ ԱՊԱՏԵՂԵԿԱՏՈՒՈՒԹԵԱՆ» (http://www.police.am/am/news/2010-10-28-18-27-30/2089-2011-03-03-20-57-26), երկրորդը` «ԱՆՀՐԱԺԵՇՏ ՊԱՐԶԱԲԱՆՈՒՄ» (http://www.police.am/am/news/2010-10-28-18-27-30/2090-2011-03-03-23-09-14): Երկուսն էլ ոչ միայն կեղծ էն եւ զրպարտիչ, հակասութիւններով լի, այլեւ մէկ անգամ եւս փաստում էն ՀՀ ոստիկանութեան կողմից ՀՀ քրէական օրէնսգրքով նախատեսուած մի շարք արարքների մասին: ՀՀ իրաւապահ մարմինները, մանրակրկիտ քննութիւն իրականացնելու պարտականութեան փոխարէն, ՀՀ կառավարութեանն առընթեր ոստիկանութեան հասարակայնութեան հետ կապի եւ լրատուութեան վարչութեան կողմից տարածել էն թուով երկու ստայօդ հաղորդագրութիւն, որով պաշտօնական կարծիք էն յայտնել տեղի ունեցած դէպքի վերաբերեալ: «ԸՆԴԴԷՄ ԱՊԱՏԵՂԵԿԱՏՈՒՈՒԹԵԱՆ» հաղորդագրութեան մէջ ոստիկանութիւնն ընդունում է, որ բողոքի գործողութեան մասնակիցները հնարաւորութիւն չէն ունեցել մօտենալ ՀՀ կառավարութեան շէնքին: Այդ մասին վկայում էն նաեւ «ժառանգութիւն» կուսակցութեան պատգամաւորներ Զարուհի Փոստանջեանը, Անահիտ Բախշեանը եւ Արմէն Մարտիրոսեանը: Պատգամաւորները վկայում էն նաեւ, որ 2011 թուականի մարտի 3-ին, առաւօտեան ժամը 10:30-ից իրենք ականատէս էն եղել, թէ ինչպէս էն ոստիկանները կենդանի շղթայով փակել եւ արգելել ՀՀ քաղաքացիների մուտքը դէպի ՀՀ կառավարութեան շէնքի յարակից տարածք: Այդ արգելքի մասին նաեւ փաստում է www.tert.am. վեբ-կայքում տեղադրուած տեսանիւթը/ http://www.tert.am/am/video/Q3t89hJ_yz0//: Վերոնշեալ երկու հաղորդագրութիւններում էլ բացակայում էն ոստիկանների կողմից ՀՀ կառավարութեան շէնքի յարակից տարածքը կենդանի շղթայով փակելու եւ քաղաքացիների մուտքն այդ տարածք արգելելու իրաւական հիմքերը: Այդ իրաւական հիմքերի բացակայութիւնը պայմանաւորուած է նրանով, որ ՀՀ ոստիկանութիւնը գործել է օրէնքից դուրս` կոպտօրէն ոտնահարելով ՀՀ քաղաքացիների մի շարք իրաւունքները, որոնք սահմանուած էն ՀՀ Սահմանադրութեամբ, Մարդու իրաւունքների եւրոպական կոնուենցիայով, «Ժողովներ, հանրահաւաքներ, երթեր եւ ցոյցեր անցկացնելու մասին» ՀՀ օրէնքով եւ ՀՀ քրէական օրէնսգրքի` ՄԱՐԴՈՒ ԵՒ ՔԱՂԱՔԱՑՈՒ ՍԱՀՄԱՆԱԴՐԱԿԱՆ ԻՐԱՒՈՒՆՔՆԵՐԻ ՈՒ ԱԶԱՏՈՒԹԻՒՆՆԵՐԻ ԴԷՄ ՈՒՂՂՈՒԱԾ ՅԱՆՑԱԳՈՐԾՈՒԹԻՒՆՆԵՐ գլխում ամրագրուած մի շարք յօդուածներով: Ոչ ցուցարարների, ոչ պատգամաւորների, ոչ էլ լրագրողների պահանջը` ներկայացնել իրաւական հիմքեր ՀՀ ոստիկանութեան կողմից ՀՀ կառավարութեան շէնքը 03.03.2011 թուականին, ժամը 10:30-ից ոստիկանական շղթայով փակելու, քաղաքացիների տեղաշարժը եւ մուտքը դէպի ՀՀ կառավարութեան շէնքի յարակից տարածք եւ այնտեղ բողոքի ակցիայ իրականացնելն արգելելու վերաբերեալ, մնացել էն անպատասխան: Ոստիկանների կողմից Հանրապետութեան հրապարակում բողոքի գործողութեան մասնակիցներին եւ պատգամաւորներին օղակի մէջ վերցնելը, նրանց նկատմամբ բռնութիւն կիրառելը, անօրինական կարգով բերման ենթարկելու փորձերը եւ բերման ենթարկելը' քրէօրէն հետապնդելի արարքներ էն: Տուեալ դէպքում ՀՀ ոստիկանութեան աշխատակիցները թոյլ էն տուել ՀՀ քրէական օրէնսգրքի 148-րդ յօդուածով նախատեսուած արարք` անձին տեղեկութիւն ներկայացնելուց հրաժարուելը: ՀՀ ԱԺ «Ժառանգութիւն» խմբակցութեան պատգամաւորների, բողոքի ակցիայի մասնակիցների` անմիջականօրէն նրանց իրաւունքներն ու օրինական շահերը շօշափող փաստաթուղթ (եթէ կար այդպիսին) ոստիկանների կողմից ներկայացնելուց ապօրինի հրաժարուելը, յետագայում ՀՀ ոստիկանութեան կողմից տարածուած հաղորդագրութեամբ դիտաւորեալ աղաւաղուած տեղեկութիւն ներկայացնելը ՀՀ ԱԺ «ժառանգութիւն» խմբակցութեան պատգամաւորների եւ բողոքի ակցիայի մասնակիցների իրաւունքներին եւ օրինական շահերին պատճառել էն վնաս` նախատեսուած ՀՀ քրէական օրէնսգրքի 148-րդ յօդուածով: ՀՀ ոստիկանութեան կողմից 2011 թուականի մարտի 3-ին ՀՀ կառավարութեան շէնքի յարակից տարածքը կենդանի շղթայով փակելու եւ քաղաքացիների մուտքն արգելելու վերաբերեալ պարզաբանումներ եւ հիմնաւորումներ նոյն օրը «Կենտրոն» հեռուստաընկերութեան «Ուրուագիծ» հաղորդման ընթացքում ներկայացրեց Երեւան քաղաքի ոստիկանապետի տեղակալ Ռոբերտ Մելքոնեանը (հատուածներ այդ հաղորդմումից տեղադրուած էն հետեւեալ կայքերում` http://www.youtube.com/watch?v=ygfQMAsQYO0 Ռոբերտ Մելքոնեան 1, http://www.youtube.com/watch?v=Sa1_YUO0mCM Ռոբերտ Մելքոնեան-2, http://www.youtube.com/watch?v=bQbqTTDRUcM Ռոբերտ Մելքոնեան. Երեւանի փոխոստիկանապետ): Թէ հաղորդման ընթացքում, թէ Հանրապետութեան հրապարակում նրա պատասխանները պարունակում էին ՀՀ քրէական օրէնսգրքի 143-րդ յօդուածով նախատեսուած արարք` քաղաքացիների իրաւահաւասարութիւնը խախտելը: Ռոբերտ Մելքոնեանը վկայեց, որ խախտել է ՀՀ ԱԺ «Ժառանգութիւն» խմբակցութեան պատգամաւորների եւ բողոքի ակցիայի մասնակիցների իրաւունքները` կապուած իրենց քաղաքական հայեացքների եւ ՀՀ կառավարութիւնից տարբերուող դիրքորոշման հետ: Մելքոնեանը բողոքի գործողութիւնը խոչընդոտելու ժամանակ հրահանգներ է ուղղել ՀՀ ԱԺ «Ժառանգութիւն» խմբակցութեան պատգամաւորներին, թէ` «Դուք այստեղ ի՞նչ գործ ունէք` կանգնել էք ցուցարարների կողքին, գնացէք Կառավարութեան նիստերի դահլիճ եւ մասնակցէք նիստին, Ձեր տեղը դահլիճում է, այլ ոչ թէ փողոցում»: Մէջբերում ենք հատուածներ 03.03.2011 թուականին «Ուրուագիծ» հաղորդման ընթացքում Ռոբերտ Մելքոնեանի ուղիղ խօսքից. «...Սակայն չգիտեմ ինչի ենթարկուելով որոշ քաղաքական ուժերի հրամանների շարունակում էն պայքարել յատկապէս մի 40-50 հոգի...», «... չգիտեմ ինչի, մեր յարգարժան պատգամաւորները` Զարուհի Փոստանջեանը, Անահիտ Բախշեանը, Արմէն Մարտիրոսեանը յետագայում մի քիչ աւելի ուշ եւ յետագայում աւելի ուշ եկաւ Ստյոպայ Սաֆարեանը, փորձեցին հրահրել, ագրեսիւ գործողութիւնների տրամադրել մեր նշուած քաղաքացիներին, փողոցային առեւտուր կատարողներին եւ ոստիկանների մէջ սադրեցին նման իրավիճակ եւ ինչպէս տեսնում էք կադրերից իրենց պահում էին պատգամաւորին ոչ վայել, խփել, քաշել, թքել, ... ոստիկանի ուսադիրները պոկել, վիրաւորական արտայայտութիւններ անել...», «...կառավարութեան անդամը ... գնում էն պետական լուրջ հարցեր էն քննարկում, իսկ էդ ընթացքում երբ որ նա գնում է տրամադրուելու պետական լուրջ կարեւոր հարցերի քննարկմանը...», «...մենք պէտք է իջնենք փողոցային մակարդակով Ազգային ժողովի պատգամաւորների գլխաւորութեամբ ...», «... ընդ որում, մեր Ազգային ժողովի յարգարժան պատգամաւորները իրենց բարձրութեան վրայ չգտնուեցին...», «…նոյն լրագրողները, որոնք նկարում էն ոստիկանների գործողութիւնները, թող գնան լրագրողական հետաքննութիւն անցկացնէն, թէ մայրաքաղաքում ինչքան շուկաներ կան դատարկ, ինչ արտօնեալ պայմաններ ա ստեղծուած նրանց համար, ինչ քաղաքակիրթ ձեւերով պէտք ա առեւտուրն իրականացնել: Ինչի՞ չէն անում, թող անէն, լուսաբանէն եւ մի քիչ էլ դրական նայեն իշխանութիւնների գործողութիւններին: Ամէն ինչ սեւացնելը, ամէն ինչ զրոյացնելը, ամէն ինչ սեւ գոյնով տեսնելը էս համարում եմ հիւանդութիւն…», «…ճգնաժամ ա, վատ վիճակ ա, նման պայմաններում, ինչ ենք ուզում մենք իշխանութիւններից, էս էդ խումբը ժողովուրդ չեմ համարում: Ժողովուրդը` բժիշկն ա, որ իրա վիրահատութիւնն ա կատարում, ժողովուրդը հացթուխն է, որ իրանց գործողութիւնն էն կատարում: էս խումբը, էս ամբոխավարութիւնը ամէն ինչի ընդունակ ա: Հիմա տեսէք, որտեղ մի փոքր բողոք եղաւ, Հակ-ի ու «Ժառանգութեան» էս խումբը կողքները կանգնած էն: Եւ Եհովայի վկաների նման հոգէորսութեամբ էն զբաղւում…», «…էս Դաշնակցութեանը շատ եմ յարգում: Բայց ինձ թւում է, այս հարցում նրանք հապճեպութիւն էն դրսեւորել եւ այս յայտարարութիւնը մի քիչ շուտ էն արել…», «...գոռալ կարելի ա, եթէ նրանք արդարացի պահանջ էն ներկայացնում...», «...էս կը գնայի, որպէս օրինապաշտ քաղաքացի, կը յարգէի պետական մարմինների օրէնքը, որը սահմանուել ա մայրաքաղաքում, կը գնայի մինի շուկայում առեւտուր կանէի: Հիմա բոլոր թաղամասերում էլ կան մինի շուկաներ, որոնք հիմա էլ կիսադատարկ վիճակում էն: Եւ նորից եմ ասում, մարդիկ պատրաստ էն մէկ ամիս, երկու ամիս մարդկանց իրենց կը լիենտուրան հաւաքելու համար թողէն որ ձրի աշխատեն: Ցածր գներով էն թոյլատրում, 500 դրամ ընդամէնը, էլի չէն համաձայնւում: Փաստօրէն սա արդէն շահարկում ենք...», «...իսկ էս գտնում եմ, որ պատգամաւորը տուեալ պահին, եթէ եկել կանգնել ա, իրա շահի համար ա պայքարում: Նա իր կուսակցութեան անդամներին լրացնելու համար էր պայքարում: Ռեյտինգ էր ուզում... »: Մէջբերման աւարտ: ՀՀ ոստիկանութեան աշխատակիցների կողմից իրականացուած գործողութիւնները խոչընդոտ էն հանդիսացել «Ժառանգութիւն» կուսակցութեան գործունէութեան եւ բացօթեայ առեւտրով զբաղուող անձանց միաւորուած խմբի համար, որը քրէօրէն հետապնդելի արարք է նախատեսուած ՀՀ քրէական օրէնսգրքի 161 յօդուածով' Միաւորումներ (հասարարական կամ արհեստակցական միութիւններ) կազմելու կամ կուսակցութիւններ ստեղծելու իրաւունքի իրականացմանը կամ դրանց գործունէութեանը խոչընդոտելը 1. Միաւորումներ (հասարակական կամ արհեստակցաան միութիւններ) կազմելու կամ կուսակցութիւններ ստեղծելու իրաւունքի իրականացմանը կամ միաւորման կամ կուսակցութեան օրինական գործունէութեանը խոչընդոտելը կամ միջամտելը` պատժւում է տուգանքով` նուազագոյն աշխատավարձի հարիւրապատիկից երեքհարիւրապատիկի չափով, կամ կալանքով` առաւելագոյնը մէկ ամիս ժամկէտով: 2. Նոյն արարքը, որն առաջացրել է միաւորման կամ կուսակցութեան իրաւունքների եւ օրինական շահերի էական խախտում` պատժւում է տուգանքով` նուազագոյն աշխատավարձի երկուհարիւրապատիկից չորսհարիւրապատիկի չափով, կամ կալանքոյ` առաւելագոյնը երկու ամիս ժամկէտով: ՀՀ ոստիկանութեան աշխատակիցների գործողութիւնները նաեւ պարունակել էն ՀՀ քրէական օրէնսգրքի 308 յօդուածով նախատեսուած արարք' պաշտօնէական լիազօրութիւնները չարաշահելը. «պաշտօնատար անձի կողմից իր պաշտօնէական դիրքը ծառայութեան շահերին հակառակ օգտագործելը կամ ծառայողական պարտականութիւնները չկատարելը` շահադիտական, անձնական այլ շահագրգռուածութիւնից կամ խմբային շահերից ելնելով»: Ռոբերտ Մելքոնեանը նաեւ խախտել է «Ոստիկանութեան մասին» ՀՀ օրէնքի 3-րդ, 5-րդ յօդուածները եւ «ՀՀ ոստիկանութեան կարգապահական կանոնագիրքը հաստատելու մասին» ՀՀ օրէնքի 10-րդ յօդուածը: Համաձայն «Ոստիկանութեան մասին» ՀՀ օրէնքի 3-րդ յօդուածի' ոստիկանութեան գործունէութեան սկզբունքները. «ոստիկանութեան գործունէութիւնը հիմնւում է օրինականութեան, անձի իրաւունքների եւ ազատութիւնների, պատիւն ու արժանապատուութիւնը յարգելու, մարդասիրութեան ու հրապարակայնութեան սկզբունքների վրայ: Ոստիկանութիւնն իր իրաւունքներն իրականացնելիս պարտաւոր է առաջնորդուել մարդու եւ քաղաքացու` Հայաստանի Հանրապետութեան Սահմանադրութեամբ ամրագրուած իրաւունքների եւ ազատութիւնների պաշտպանութեան անհրաժեշտութեամբ, նրանց իրաւահաւասարութեան, լիազօրութիւնների իրականացման համաչափութեան եւ կամայականութեան արգելքի սկզբունքներով, ինչպէս նաեւ հետապնդել օրէնքով կանխորոշուած այլ նպատակներ: Ոստիկանութեան հարկադրական բնոյթի լիազօրութիւնների իրականացումը պէտք է ուղղուած լինի Հայաստանի Հանրապետութեան Սահմանադրութեամբ եւ օրէնքներով հետապնդուող նպատակներին, իսկ դրանց հասնելու միջոցները պէտք է լինէն պիտանի, անհրաժեշտ եւ չափաւոր: Ոստիկանութիւնն իր խնդիրներն իրականացնելիս համագործակցում է պետական կառավարման եւ տեղական ինքնակառավարման, այլ իրաւապահ մարմինների, ինչպէս նաեւ կազմակերպութիւնների եւ ֆիզիկական անձանց հետ»: Մինչդեռ ոստիկանութեան աշխատակիցները որեւէ կերպ վերը նշուած իրենց պարտականութիւնները չէն իրականացրել: Համաձայն «Ոստիկանութեան մասին» ՀՀ օրէնքի 5-րդ յօդուածի' ոստիկանութեան գործունէութիւնը եւ մարդու անձեռնմխելիութեան երաշխիքները. «ոստիկանութեան կողմից իրաւունքների ու ազատութիւնների սահմանափակումները հնարաւոր էն միայն օրէնքով նախատեսուած դէպքերում, կարգով եւ սահմաններում: Ոստիկանութեան ծառայողները մարդու իրաւունքների ու ազատութիւնների սահմանափակման ցանկացած դէպքում անմիջապէս պարտաւոր էն նրա համար մատչելի եւ հասկանալի լեզուով ներկայացնել սահմանափակման հիմքերն ու պատճառները, ծանօթացնել եւ բացատրել դրանից բխող իրաւունքներն ու պարտականութիւնները, ինչպէս նաեւ աջակցել իրաւունքների իրացմանը»: Մինչդեռ ոստիկանութեան աշխատակիցները որեւէ կերպ վերը նշուած իրենց պարտականութիւնները չէն իրականացրել: Համաձայն «ՀՀ ոստիկանութեան կարգապահական կանոնագիրքը հաստատելու մասին» ՀՀ օրէնքի 10-րդ յօդուածի' ոստիկանութեան ծառայողի էթիկայի կանոնները. «1. Ոստիկանութեան ծառայողի էթիկայի կանոնները ոստիկանութեան ծառայողի համար պարտադիր էն ինչպէս ծառայողական պարտականութիւնները կատարելու ընթացքում, այնպէս էլ ծառայողական պարտականութիւններից դուրս: 2. Ոստիկանութեան ծառայողի էթիկայի կանոնները բարոյականութեան համընդհանուր սկզբունքների վրայ հիմնուած` ոստիկանութեան ծառայողի վարուելակերպի (վարքագծի) եւ փոխյարաբերութիւնների առանձնայատկութիւնները կարգաւորող նորմեր էն (այսուհետ` վարքագծի կանոններ): 3. Վարքագծի կանոնների նպատակն է ուղղորդել ոստիկանութեան ծառայողին վերջինիս վարուելակերպի առումով, ինչպէս նաեւ իրազեկել քաղաքացիներին, թէ ինչպիսի պահուածք պէտք է ակնկալել ոստիկանութեան ծառայողից: 4. Ոստիկանութեան ծառայողը պարտաւոր է` ա) հաւատարիմ լինել երդմանը, ցուցաբերել անմնացորդ նուիրուածութիւն Հայաստանի Հանրապետութեանը, յարգել Հայաստանի Հանրապետութեան պետական խորհրդանիշները եւ պետական լեզուն. բ) յարգել Հայաստանի Հանրապետութեան Սահմանադրութիւնն ու օրէնքները, ժողովրդի սովորոյթներն ու աւանդոյթները. գ) նիւթապէս կամ այլ միջոցներով չսատարել որեւէ քաղաքական կուսակցութեան. դ) ցանկացած իրավիճակում պահպանել անձնական արժանապատուութիւնը, բարձր պահել պատիւը, լինել ազնիւ. է) օրէնքով նախատեսուած լիազօրութիւններն իրականացնելիս զերծ մնալ հասարակական կարծիքի ազդեցութիւնից եւ իր գործողութիւնների համար քննադատուելու մտավախութիւնից. զ) յանուն անձնական կամ այլ անձանց շահերի չնսեմացնել ոստիկանութեան եւ ոստիկանութեան ծառայողի վարկը…. ը) կատարելագործել սեփական մասնագիտական որակները, ունենալ պատշաճ իրաւագիտակցութիւն եւ իրաւական կուլտուրա. թ) իմանալ եւ յարգել մարդու իրաւունքներն ու ազատութիւնները, ցուցաբերել զսպուածութիւն, քաղաքակիրթ, վայելուչ եւ յարգալից վերաբերմունք քաղաքացիների նկատմամբ…. ժայ) անհարկի չընդգծել իր պաշտօնէական դիրքը. ժբ) իր վարքով նպաստել հասարակութեան այն համոզմունքի եւ հաւատի ձեւաւորմանն ու պահպանմանը, որ ոստիկանութիւնում ծառայութիւնը հիմնուած է անկողմնակալութեան, ազնուութեան եւ օրինականութեան սկզբունքների վրայ. ժգ) հասարակութեան եւ պետութեան շահերը բարձր դասել անձնականից, անմնացորդ նուիրուել աշխատանքին… ժէ) ղեկավարուել պատուի, խղճի եւ արժանապատուութեան զգացումներով. ժզ) աջակցել օգնութեան կարիք ունեցող անձանց, յատկապէս ծերերին, երեխաներին, հաշմանդամներին: 5. Վարքագծի կանոնների հերթականութիւնը չի ընդգծում դրանց առաջնահերթութիւնը: Եթէ ոստիկանութեան ծառայողը չի կողմնորոշւում` ինչպիսի վարքագիծ դրսեւորել որոշակի իրավիճակներում, ապա նա պէտք է դիմի անմիջական ղեկավարին: Ոստիկանութեան ծառայողի անմիջական ղեկավարը հնարաւորութեան սահմաններում միջոցներ է ձեռնարկում, որպէսզի իր ենթակայ ծառայողների համար դիւրին լինի վարքագծի սոյն կանոնների պահպանումը»: Ոստիկանների կողմից ՀՀ կառավարութեան շէնքը կենդանի շղթայով փակելու եւ բողոքի գործողութիւն իրականացնել ցանկացող քաղաքացիների մուտքը դէպի ՀՀ կառավարութեան շէնքի յարակից տարածք արգելելու փաստը նոյնպէս քրէօրէն հետապնդելի արարք է` սահմանուած ՀՀ քրէական օրէնսգրքի 163-րդ յօդուածով` Ժողովներ, հանրահաւաքներ, երթեր եւ ցոյցեր անցկացնելուն կամ դրանց մասնակցելուն խոչընդոտելը: Մէջբերում ենք հատուածներ 03.03.2011 թուականի տեսաձայնագրութիւնից, որը հրապարակուել է http://www.1in.am/arm/armenia_society_11746.html վեբ-կայքում. «Զարուհի Փոստանջեան - Ինչ իրաւունքով էք ձեռք տալիս մարդկանց, թող, մի բրթի Ռոբերտ Մելքոնեան - դուք գնում էք գնացէք տիկին պատգամաւոր, բայց ինքը չի գալու Հեղինէ - ինչի՞ Ռոբերտ Մելքոնեան - նիստը ընդեղ խանգարում էք Քաղաքացի - էդ ով ասեց, որ էս երկիրը քոնն ա Անահիտ Բախշեան - էս տեսնում եմ ինքը ոչ մի բան չի անում Ռոբերտ Մելքոնեան - Տիկին Բախշեան, ինքը խանգարումայ նիստի աշխատանքներին Անահիտ Բախշեան - լաւ էլի, մի արէք ըտենց բան Ռոբերտ Մելքոնեան - ոչ, դուք գնացէք, իսկ իրան թեւի տակ մի տարէք Քաղաքացի - չի լսւում ինչայ ասում Ռոբերտ Մելքոնեան - ձենդ կտրի, այլանդակ Անահիտ Բախշեանը ոստիկան Աւետիսեանին - ինչ էն անում, որ դուք ըսենց էք, ինչու էք աւելի հրահրում ժողովրդին Ոստիկան Աւետիսեան - ուրեմն, առաջինը` ոչ մէկ ոչ մի բան չի հրահրում, երկրորդ` հրահրողը դուք էք, կառավարութեան անդամների հասցէին ամէն մի լկտի արտայայտութիւն թոյլ տուողը դուք էք Անահիտ Բախշեան - Դուք ու՞մ էք ասում, ի՞նձ էք ասում Ոստիկան Աւետիսեան - Ձեզ եմ ասում, այո Անահիտ Բախշեան - ոնց էք ասում Ոստիկան Աւետիսեան - այ ըտենց էլ ասում եմ Անահիտ Բախշեան - Դուք կարո՞ղ էք ապացուցել Ոստիկան Աւետիսեան - Այո Անահիտ Բախշեան - ոնց, որ էս կառավարութեան անդամների… Ոստիկան Աւետիսեան - Ցածր ձայնով, ցածր ձայնով (բարձր ձայնով է ասում), տիկին ջան, էս ձեր հետ ցածր եմ խօսում, դուք էլ իմ հետ ցածր ձայնով խոսէք Անահիտ Բախշեան - չհամարձակուէք էդ տօնով խոսէք ինձ հետ Ոստիկան Աւետիսեան - այ էս տօնով էլ խօսալու եմ Անահիտ Բախշեան - շատ իզուր Ոստիկան Աւետիսեան - այ էս տօնով էլ խօսալու եմ Անահիտ Բախշեան - եթէ դուք ապացուցէք, որ էս կառավարութեան հասցէին որեւեւէ… Սրան նայի հլը»: Մէջբերում ենք հատուածներ 03.03.2011 թուականի տեսաձայնագրութիւնից, որը հրապարակուել է հետեւեալ վեբ-կայքում. http://www.epress.am/Video/%D5%B8%D5%BD%D5%BF%D5%AB%D5%AF%D5%A1%D5%B6%D5%B6%D5%A5%D6%80%D5%A8-%D5%AD%D5%B8%D5%B9%D5%A8%D5%B6%D5%A4%D5%B8%D5%BF%D5%B8%D6%82%D5%B4-%D5%A5%D5%B6-%D5%A1%D5%AF%D6%81%D5%AB%D5%A1%D5%B5%D5%AB-%D5%A1/ «Ռոբերտ Մելքոնեան - Արագացրէք, Պետրոսեան, հէնց հիմա բաժին էք տանում, բաժին Զարուհի Փոստանջեան - փորձուել էք մի հատ մատով կպնէք մարդկանց Ռոբերտ Մելքոնեան - Մտէք թեւերը, մտցրէք աւտոն տարէք Զարուհի Փոստանջեան - էդ ապօրինի հրամանները չտաք էստեղ Ռոբերտ Մելքոնեան - Դուք չէք որոշում, դուք գնացէք ձեր նիստին մասնակցէք, տիկին պատգամաւոր Զարուհի Փոստանջեան - Դուք միայն օրէնքի հիման վրայ կարող էք որոշումներ կայացնել, ոչ թէ ապօրինի որոշումներ կայացնել, յարձակուէք մարդկանց վրայ Ռոբերտ Մելքոնեան - հետ ենք գնում, շղթայ կազմէք հետ ենք գնում բոլորս Արմէն Մարտիրոսեան - Հիմա ինչ, որ իրանք գան, չէ՞ք թողնելու գնան իրանց բողոքը արտայայտէն Ոստիկան Աւետիսեան - Ոչ, չենք թոյլ տալու Արմէն Մարտիրոսեան - Սա ռազմավարակա՞ն նշանակութեան օբյեկտ ա Ոստիկան Աւետիսեան - պէտք ա ռազմավարակա՞ն նշանակութեան օբյեկտ լինի, որ խանգարեն կամ չխանգարեն Արմէն Մարտիրոսեան - անպայման, օրէնքով յստակ սահմանուած է, որ միայն ռազմավարական Ոստիկան Աւետիսեան - Ոչ, սխալ գիտէք, սխալ գիտէք, գնացէք վերանայէք դուք մի հատ Արմէն Մարտիրոսեան - վերանայելու կարիք չկայ Ոստիկան Աւետիսեան - գնացէք բացէք նորից կարդացէք Արմէն Մարտիրոսեան - սխալ դուք գիտէք Ոստիկան Աւետիսեան - իսկապէս Արմէն Մարտիրոսեան - Այո Ոստիկան Աւետիսեան - էս էլ ասում եմ սխալ դուք գիտէք Արմէն Մարտիրոսեան - սխալ դուք գիտէք, էդ օրէնքին էս եմ դէմ քուէարկել, էս գիտեմ»: Կեղծ ու զրպարտիչ էն ՀՀ ոստիկանութեան երկու հաղորդագրութիւններում նշուած յայտարարութիւնները, թէ` «…ըստ ամենայնի, պատգամաւորների խնդիրն ակցիայի խաղաղ ընթացքը շեղելն էր, կրքերը շիկացնելը, բախում հրահրելը քաղաքացիների եւ ոստիկանների միջեւ», «հնչեցին վիրաւորանքներ ու հայհոյանքներ ինչպէս ոստիկանների, այնպէս էլ կառավարութեան անդամների հասցէին» եւ «մարտի 3-ին, ժամը 10-ից, ՀՀ կառավարութեան շէնքի դիմաց հաւաքած քաղաքացիներն իրենց վանկարկումներով, բղաւոցներով եւ անվայել արտայայտութիւններով կրկին խանգարել էն կառավարութեան անդամների ազատ տեղաշարժը, ինչպէսեւ կառավարութեան հերթական նիստի բնականոն աշխատանքը, եւ ոստիկանութեան ծառայողները` իրենց ծառայողական պարտականութիւններից ելնելով, փորձել էն կարգի հրաւիրել հասարակական կարգը խախտած քաղաքացիներին, սակայն նրանք Աժ պատգամաւորներ, «Ժառանգութիւն» խմբակցութեան անդամներ Անահիտ Բախշեանի, Զարուհի Փոստանջեանի, Արմէն Մարտիրոսեանի, աւելի ուշ նրանց միացած Ստեփան Սաֆարեանի յորդորներով հրաժարուել էն ենթարկուել ոստիկանութեան օրինական պահանջներին՝ շարունակելով խախտել հասարակական կարգը»: Եթէ ոստիկանութիւնը նշում է, որ, մէջբերում ենք' «ըստ ամենայնի, պատգամաւորների խնդիրն ակցիայի խաղաղ ընթացքը շեղելն էր», բողոքի գործողութիւնը' ակցիան, պէտք է տեղի ունենար Կառավարութեան շէնքի յարկից տարածքում եւ բողոք ներկայացնողների պահանջը ուղղուած էր կառավարութեանը, մինչդեռ կառավարութեան շէնքի յարակից տարածքը ամբողջութեամբ ոստիկանական շղթայով փակուած էր, եւ ոստիկանները թոյլ չէին տալիս մուտք գործել այդ տարածք, հետեւաբար` ակցիայի խաղաղ ընթացքը չէր կարող շեղուել, քանի որ այն չէր էլ սկսուել: Եթէ ոստիկանութեան առաջին հաղորդագրութեան մէջ նշւում է, թէ բողոքի ակցիայի մասնակիցները հնարաւորութիւն չէն ունեցել մօտենալ կառավարութեան շէնքին, ապա երկրորդում եւ 03.03.2011 թուականին «Ուրուագիծ» հաղորդման ընթացքում Ռոբերտ Մելքոնեանը նշում էն, թէ բողոքի գործողութիւնը արգելուել է, քանի որ մասնակիցները ինչ-որ բառեր էն վանկարկել, բղաւել, հնչեցրել վիրաւորանքներ եւ հայհոյել, խանգարել կառավարութեան նիստի բնականոն ընթացքը: ՀՀ կառավարութեան շէնքի դիմաց իւրաքանչիւր անձ կարող է իրացնել իր սահմանադրական իրաւունքը` բողոքի գործողութեան տեսքով, որը կարող է տեղի ունենալ վանկարկումներով, բղաւելով, սուր քննադատութեամբ: Բողոքի գործողութեան մասնակիցն իրաւունք ունի իր հայեցողութեամբ ընտրելու բողոքի գործողութեան վայրը եւ ընթացակարգը, բողոքի գործողութեան մասնակիցները կարող էն ունենալ կամ կրել պաստառներ եւ ցուցադրական այլ նիւթեր, ինչպէս նաեւ օգտագործել բարձրախօսներ: Բողոքի գործողութեան մասնակիցը ինքն է ընտրում բողոքի արտայայտման ձեւը: Ինչ վերաբերում է ՀՀ ոստիկանութեան այն յայտարարութեանը, թէ բողոքի գործողութեան մասնակիցները վիրաւորել կամ հայհոյել էն ինչ-որ անձանց, ապա պարտաւոր էն ցոյց տալ այդ անձանց, ովքեր տուժել էն հայհոյանքից եւ համապատասխան ընթացակարգով քննութիւն իրականացնել: Եթէ խօսքը վիրաւորանքի մասին է, ապա տուժողն ինքը պէտք է դիմի դատական պաշտպանութեան` համապատասխան հայց ներկայացնելով: Վիրաւորանքը պէտք է գնահատուի վիրաւորուող անձի կողմից, այլ ոչ թէ ՀՀ ոստիկանութեան: Ինչ վերաբերում է` ՀՀ կառավարութեան շէնքի դիմաց հաւաքուած քաղաքացիներն իրենց վանկարկումներով, բղաւոցներով եւ անվայել արտայայտութիւններով կրկին խանգարել էն կառավարութեան անդամների ազատ տեղաշարժը, ինչպէսեւ կառավարութեան հերթական նիստի բնականոն աշխատանքը, բացարձակ սուտ է: Կառավարութեան շէնքի յարակից տարածքին հնարաւոր չի եղել մօտենալ ժամը 10:30-ից: Ոստիկանութեան հարկադրական բնոյթի լիազօրութիւնների իրականացումը պէտք է ուղղուած լինի ՀՀ Սահմանադրութեամբ եւ օրէնքներով հետապնդուող նպատակներին, իսկ դրանց հասնելու միջոցները պէտք է լինէն պիտանի, անհրաժեշտ եւ չափաւոր: ՀՀ ոստիկանութիւնն իր զոյգ հաղորդագրութիւններում միտումնաւոր, որպէսզի խեղաթիւրի փաստերը, այդպէս էլ չի պատասխանել հետեւեալ հարցերին. Ին՞չ իրաւական հիմքով է արգելուել քաղաքացիների մուտքը ՀՀ կառավարութեան շէնքի յարակից տարածք: Ին՞չ իրաւական հիմքով էն ոստիկանութեան աշխատակիցները կենդանի շղթայով փակել ՀՀ կառավարութեան շէնքի յարակից տարածքը: Ին՞չ իրաւական հիմքով է արգելուել քաղաքացիների` ՀՀ կառավարութեան շէնքի յարակից տարածքում բողոքի գործողութիւն իրականացնելը: Որո՞նք էն եղել ՀՀ ոստիկանութեան օրինական պահանջները` ուղղուած բողոքի գործողութեան մասնակիցներին, ինչպէ՞ս էն այդ, այսպէս կոչուած, օրինական պահանջները փոխանցուել` հրապարակուել, հաղորդուել, ներկայացուել բողոքի գործողութեան մասնակիցներին: ՀՀ ոստիկանութեան հաղորդագրութեան մէջ նշուած ոստիկանութեան ծառայողների կողմից «կոնկրէտ գործողութիւնների ձեռնամուխ լինելու» մասին չի տրուել յստակ պատասխան, թէ ո՞րն է եղել «կոնկրէտ գործողութիւնների ձեռնամուխ լինելու» մասին որոշման հիմքը, պատասխան չի տրուել, թէ ո՞վ եւ ե՞րբ է կայացրել նման որոշում եւ ի՞նչ տեսակի գործողութիւնների` «կոնկրէտ գործողութիւնների ձեռնամուխ լինելու» մասին է յայտարարուել, «կոնկրէտ գործողութիւնների ձեռնամուխ լինելու» մասին որոշումը հրապարակուե՞լ է, թէ՞ ոչ, եթէ` այո, ապա ի՞նչ եղանակով եւ ինչպիսի՞ «կոնկրէտ գործողութիւնների ձեռնամուխ լինելու» մասին է հրապարակուել, ոստիկանութեան ծառայողների կողմից ինչպիսի՞ կոնկրէտ գործողութիւններ էն իրականացուել: ՀՀ ոստիկանութեան հաղորդագրութեան մէջ ՀՀ ԱԺ «Ժառանգութիւն» խմբակցութեան պատգամաւորներ Անահիտ Բախշեանի, Զարուհի Փոստանջեանի, Արմէն Մարտիրոսեանի եւ բողոքի գործողութեան մասնակիցների վրայ յարձակում գործելու, նրանց նկատմամբ բռնութիւն գործադրելու եւ բերման եթարկելու փորձերի անհրաժեշտութեան եւ իրաւաչափութեան վերաբերեալ որեւէ պատասխան չի տրուել: Հայաստանի Հանրապետութեան ոստիկանութեան աշխատակիցների կողմից վերը նշուած ապօրինի գործողութիւնների իրականացումը գնահատում ենք ոչ այլ ինչ, քան ՀՀ Ոստիկանապետ Ալիկ Սարգսեանի կողմից 2010թ. ապրիլի 14-ին հնչեցուած սպառնալիքի եւ հակասահամանադրական, հակաօրինական հրահանգի իրականացում, որը վերաբերում է ընդդիմութեան կողմից բողոքի ակցիաները բիրտ եղանակներով ճնշելուն: Մէջբերում ենք. «Հայաստանում դա հնարաւոր չէ: Կարճատեսութիւն ու միամտութիւն կը լինի, եթէ որեւէ մէկի մտքով դա անցնի: Լաւ կը լինի քաղաքակակիրթ ճանապարհով, քաղաքական ճանապարհով իրենց պայքարը տանէն, իսկ ով կը փորձի նման միտք փայփայել իր մտքում, ընդամէնը` խորհուրդ չեմ տալիս: Օրօրոցում անմիջապէս կը պատժուի, եթէ կը փորձի յեղափոխական ճանապարհով փորձել ինչ-որ բան փոխել» (http://www.azatutyun.am/articleprintview/2012394.html): Հիմք ընդունելով վերոգրեալը` գտնում ենք, որ ՀՀ ոստիկանութեան աշխատակիցները կատարել էն մի շարք քրէօրէն հետապնդելի արարքներ, որոնց հիման վրայ պահանջում ենք կատարել ՀՀ քրէական դատավարութեան օրէնսգրքով նախատեսուած գործողութիւն` յարուցել քրէական գործ ապօրինի գործողութիւններ իրականացրած բոլոր ոստիկանների նկատմամբ: Կից ներկայացւում էն ՀՀ ոստիկանութեան 03.03.2011 թուականի հաղորդագրութիւնների պատճէնները. Զարուհի Փոստանջեան Անահիտ Բախշեան Արմէն Մարտիրոսեան Ստյոպայ Սաֆարեան Լարիսա Ալաւերդեան Դաւիթ Սանասարեան Արամ Ենոքեան Սեդա Մելիքեան 9 մարտի 2011

---