ՀՀ վարչապետը դասախոսութիւն է կարդացել բանակի բարձրագոյն
սպայական կազմի համար
21-02-2011 20:44:00 | Հայաստան | Քաղաքական
ԵՐԵՎԱՆ, 21 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Վարչապետ Տիգրան
Սարգսեանը փետրուարի 21-ին դասախոսութիւն է կարդացել ՀՀ
պաշտպանութեան նախարարութիւնում բանակի բարձրագոյն սպայական
կազմի համար:
Անդրադառնալով դասախօսութիւնում արծարծուելիք հիմնական
հարցերին, Տ.Սարգսեանը նշել է. «Ցանկանում եմ հանդէս գալ
զեկույցով, որը նուիրուած է սոցիալ-տնտեսական խնդիրներին, որոնք
այսօր ծառացած են մեր առջեւ: Կարծում եմ, նաեւ ձեզ համար հետաքրքիր
կլինի, թէ ինչպիսին է մեր տնտեսութիւնում ստեղծուած իրավիճակը, ինչ
ծրագրեր է իրականացնում կառավարութիւնը, որպէսզի մենք կարողանանք
դիմագրաւել այն մարտահրավերներին, որոնք այսօր առկայ են եւ'
աշխարհում, եւ' տարածաշրջանում, եւ' Հայաստանի
Հանրապետութիւնում»:
Ինչպէս «ՆՏ»-ին յայտնեցին ՀՀ կառավարութեան Տեղեկատուութեան եւ
հասարակայնութեան հետ կապերի վարչութիւնից, իր զեկոյցում
Տ.Սարգսեանը ներկայացրել է տնտեսութեան ներկայ վիճակն ու
զարգացումները, անդրադարձել տնտեսութեան զարգացման ցուցանիշներին
եւ ՀՆԱ-ի կառուցուածքին, խօսել ՀՀ կառավարութեան տնտեսական
քաղաքականութեան առաջնահերթություններից: Հանդիպման աւարտին
վարչապետը պատասխանել է բանակի գեներալների եւ սպաների հարցերին: