Արամ Ա. Կաթողիկոս պաշտօնական այցելութիւն մը տուաւ Լիբանանի նախագահին
21-02-2011 19:43:35 | | Մամլո հաղորդագրություն
ԱՆԹԻԼԻԱՍ - Ն.Ս.Օ.Տ.Տ. Արամ Ա. Կաթողիկոս Երկուշաբթի առաւօտ պաշտօնական այցելութիւն մը տուաւ Լիբանանի Հանրապետութեան նախագահ Զօր. Միշէլ Սուլէյմանին, Պաապտայի նախագահական ապարանքին մէջ: Վեհափառ Հայրապետին կ'ընկերանար հայկական երեսփոխանական պլոքի ներկայացուցիչ Պրն. Յակոբ Բագրատունի:
Հանդիպման ընթացքին Վեհափառ Հայրապետը տեղեակ պահեց Հանրապետութեան Նախագահը թէ ինք պիտի մեկնի Քաթար հրաւէրովը Քաթարի Էմիրին: Խօսակցութեան ընթացքին նաեւ արծարծուեցան կառավարութեան կազմին ինչպէս նաեւ Լիբանանի ընդհանուր կացութեան առնչուած հարցեր: