Յարուցուել է քրէական գործ` հանրային ծառայողի կողմից ապօրինի
100 հազար դրամ ստանալու առթիւ
18-02-2011 11:34:00 | Հայաստան | Հասարակութիւն
ԵՐԵՎԱՆ, 18 ՓԵՏՐՈՒԱՐԻ, ՆՈՅԵԱՆ ՏԱՊԱՆ: ՀՀ Գլխաւոր դատախազութեան
պետական շահերի պաշտպանութեան վարչութիւնում յարուցուել է քրէական
գործ պաշտօնատար անձ չհանդիսացող հանրային ծառայողի կողմից ապօրինի
վարձատրութիւն ստանալու դէպքի առթիւ:
Նիւթերի ուսումնասիրութեամբ պարզուել է, որ Երեւան քաղաքի
Արաբկիր վարչական շրջանի աշխատակազմի Կոմունալ տնտեսութեան եւ
բազմաբնակարան շէնքերի կառավարման մարմինների հետ աշխատանքների
կազմակերպման բաժնի առաջատար մասնագէտ Տիգրան Փոստանջյանը պահանջել
եւ ապօրինի ստացել է վարձատրութիւն:
Մասնաւորապէս, Տ.Փոստանջյանը, հանդիսանալով պաշտօնատար անձ
չհանդիսացող հանրային ծառայող, ապօրինի շինարարութեանը
չխոչընդոտելու, օրէնքով սահմանուած կարգով այն չդադարեցնելու,
կանխարգելելու ուղղութեամբ միջոցներ չձեռնարկելու, այդ մասին
իրաւասու մարմիններին չյայտնելու համար քաղաքացի Հ.Ս.-ից 2010թ.-ի
սեպտեմբերին պահանջել եւ ստացել է 100 հազար դրամ վարձատրութիւն:
Ըստ ՀՀ Գլխաւոր դատախազութեան Հանրային կապերի վարչութեան
հաղորդագրութեան, փաստի առթիւ յարուցուել է քրէական գործ` ՀՀ
Քրէական օրէնսգրքի 311-րդ յօդուած 1-ին մասով: