Հայաստանի եւ Չինաստանի արտգործնախարարները կարեւորել են
բարձր մակարդակի շփումները
17-02-2011 20:36:00 | Հայաստան | Քաղաքական
ԵՐԵՎԱՆ, 17 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 17-ին ԱԳ
նախարար Էդվարդ Նալբանդեանը հանդիպում է ունեցել պաշտօնական այցով
Երեւանում գտնուող Չինաստանի արտգործնախարար Յան Ձիեչիին:
Հանդիպման ընթացքում քննարկվեցին երկու երկրների Նախագահների
միջեւ ձեռք բերուած պայմանավորվածությունների իրականացման ընթացքը,
համագործակցութեան գոյութիւն ունեցող ոլորտներն առաւել
ընդլայնելու եւ նորերն ընդգրկելու հնարաւորութիւնները:
Հայաստանի եւ Չինաստանի արտգործնախարարները կարեւորեցին երկու
երկրների միջեւ բարձր մակարդակի շփումների պարբերական բնոյթը եւ
համոզմունք յայտնեցին, որ դրանք նոր թափ կհաղորդեն մեր
յարաբերութիւնների յետագայ զարգացմանն ու խորացմանը:
Հանգամանալից քննարկվեց միջազգային խնդիրների լայն շրջանակ:
Տարածաշրջանային հարցերի քննարկման ենթատեքստում նախարար
Նալբանդյանն իր չինացի գործընկերոջը ներկայացրեց ղարաբաղեան
հիմնախնդրի կարգաւորման գործընթացի վերջին զարգացումները եւ նշեց,
որ Հայաստանը բարձր է գնահատում Չինաստանի հաւասարակշռուած
դիրքորոշումը ԼՂ հիմնախնդրի կարգաւորման վերաբերեալ:
Չինաստանի ԱԳ նախարարն իր հերթին շնորհակալութիւն յայտնեց
Հայաստանի աւանդական` «Մէկ Չինաստանի» վերաբերեալ դիրքորոշման
համար: Հանդիպմանը անդրադարձ կատարուեց առեւտրատնտեսական
յարաբերութիւնների խթանմանը, իրավապայմանագրային դաշտի
կատարելագործմանը, տրանսպորտի, էներգետիկայի, հումանիտար,
մշակոյթային ու կրթական փոխանակումների ընդլայնմանը եւ
ապակենտրոնացուած համագործակցութեանը վերաբերող հարցերին:
Է.Նալբանդյանն ու Յ.Ձիեչին կարեւորեցին տնտեսական բնագաւառում
փոխգործակցութեան զարգացմանն ուղղուած քայլերի ձեռնարկումը,
ընդգծելով, որ երկկողմ տնտեսական կապերի զարգացման կարեւոր
վկայութիւն է Չինաստանի Շանսի նահանգում Հայաստանի Հանրապետութեան
Նախագահի ներկայութեամբ հայ-չինական նշանսի Նաիրիտե համատեղ
ձեռնարկութեան գործարկումը, Հայաստանում Չինաստանի կողմից
իրականացyող տնտեսական ծրագրերը: Անդրադարձ կատարուեց հայ-չինական
միջկառավարական յանձնաժողովի 6-րդ նիստի նախապատրաստական
աշխատանքներին:
Է.Նալբանդեանը շնորհակալութիւն յայտնեց Չինաստանի
կառավարութեան շարունակական տեխնիկական աջակցութեան համար, որի
շնորհիւ միայն այս տարի կտրամադրուեն մօտ ութ տասնեակ շտապ
օգնութեան մեքենաներ, յետագայում նաեւ մի քանի տասնեակ
աւտոբուսներ:
Հայաստանի արտաքին քաղաքական գերատեսչութեան ղեկավարը
տեղեկացրեց, որ օրերս ՀՀ կառավարութիւնը որոշում է ընդունել
Չինաստանի քաղաքացիների համար մուտքի արտօնագրային ռեժիմի
դիւրացման վերաբերեալ եւ համոզմունք յայտնեց, որ այդ որոշումը նոր
թափ կհաղորդի գործարար, մշակոյթային եւ կրթական փոխանակումներին:
Չինաստանի արտգործնախարարը բարձր գնահատեց Երեւանի օտար
լեզուների համալսարանում գործող Կոնֆուցիոսի կենտրոնի կողմից
իրականացyող աշխատանքները չինական լեզուի եւ մշակոյթի տարածման
գործում:
Զրուցակիցները պայմանաւորուեցին միջոցառումներ կազմակերպել
երկու երկրների միջեւ դիւանագիտական յարաբերութիւնների հաստատման
20-ամեայ յոբելեանի կապակցութեամբ:
Նախարարները հանգամանալից քննարկեցին Հայաստանի եւ Չինաստանի
ԱԳՆ-ների միջեւ անցկացուող խորհրդատուութիւնների ակտիւացմանը,
միջազգային կառոյցներում երկու երկրների համագործակցութեան
սերտացմանը վերաբերող հարցեր:
Հանդիպումից յետոյ նախարարները հանդէս եկան մամուլի համար
յայտարարութիւններով: