Մշակուելու է Հայաստանում լազերային ֆիզիկայի, տեխնիկայի եւ
տեխնոլոգիայի զարգացման ծրագիր
16-02-2011 15:44:00 | Հայաստան | Հասարակութիւն
ԵՐԵՎԱՆ, 16 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 16-ին ՀՀ
ԳԱԱ-ում մեկնարկեցին «Լազերային ֆիզիկա, տեխնիկա, տեխնոլոգիա»
թեմայով լսում-քննարկումները:
Ողջունելով քննարկման մասնակիցներին, ՀՀ ԳԱԱ նախագահ Ռադիկ
Մարտիրոսեանն անդրադարձաւ 50-ամեայ զարգացման ընթացքում լազերային
ֆիզիկայի նուաճումներին ու ձեռքբերումներին: Նա նշեց լազերային
ֆիզիկայի դերը գիտութեան, տեխնիկայի եւ տնտեսութեան կոոպերացիայի
մէջ: «Պէտք է նայել, թէ ինչ հետազոտություներ են անցկացւում մեր
երկրում, ինչ խնդիրներ կան եւ ինչ լուծումներ են առաջարկւում»,-
ասաց Ռ.Մարտիրոսեանը:
Ըստ ՀՀ ԳԱԱ Տեղեկատուական-վերլուծական կենտրոնի, քննարկումները
վերաբերւում են ինչպէս լազերային ֆիզիկայի հիմնարար խնդիրներին,
այնպէս էլ կիրառական նշանակութեան հարցերին: Քննարկման ընթացքում
կներկայացուեն 24 գիտական զեկույցներ: Արդիւնքները հիմք
կհանդիսանան ՀՀ-ում լազերային ֆիզիկայի, տեխնիկայի եւ տեխնոլոգիայի
զարգացման ծրագրի մշակման համար: