Մարմարա Երգիծական »Փէնկուէն« ամսագրի վերջին թիւի ծաղրանկարը մեծ աղմուկ բարձրացուց եւ դժգոհութեան եւ վրդովմունքի ալիք ստեղծեց թուրք հասարակութեան մօտ։ Ծաղրանկարը ստիպեց որ ամսագրի խմբագրութիւնը հանդէս գայ ներողութեան յայտարարութեամբ։ »Փէնկուէն«ի վերջին թիւին մէջ պատկերուած է ծաղրանկար մը, ուր տեսարան մը կայ մզկիթէն. հոն առաստաղէն կախուած լապտերները պահպանակի տեսք ունին, իսկ պատին վրայ մանրատառ գրուած է »Ալլահ չկայ, կրօնը սուտ է«։ Երգիծական ամսագրի խմբագրութիւնը հանդէս եկաւ յայտարարութեամբ, պնդելով թէ իրենք ծաղրանկարներու մէջ կը պաշտպանեն ազատութիւնը, սակայն ներողութիւն կը խնդրեն այն անձերէն, որոնց վիրաւորանք պատճառած են։

---