Երեւանի բոլոր վարչական շրջանները կունենան բնակիչների
ընդունելութեան յատուկ օրեր
14-02-2011 15:34:00 | Հայաստան | Հասարակութիւն
ԵՐԵՎԱՆ, 14 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Այսուհետ Երեւանի բոլոր
վարչական շրջանները կունենան բնակիչների ընդունելութեան յատուկ
օրեր: Հաստատուած ժամանակացոյցի համաձայն, իւրաքանչիւր շաբաթուայ
հինգշաբթի օրը` ժամը 14-ից մինչեւ 17-ը, վարչական շրջանների
ղեկավարները կկազմակերպեն բնակիչների ընդունելություն: Այս եւ
համաքաղաքային ընթացիկ ծրագրերին առչնվող հարցերը քննարկուել են
Երեւանի քաղաքապետարանում փետրուարի 14-ի աշխատանքային
խորհրդակցութեան ընթացքում:
Անդրադառնալով մայրաքաղաքի աղբահանութեան կազմակերպման
խնդրին, քաղաքապետ Կարեն Կարապետեանը նշել է, որ ամբողջական
պատկերի մասով ոլորտի վերաբերեալ անհրաժեշտ է ունենալ իրական
գնահատական: Քաղաքապետը յանձնարարել է պատրաստել մրցութային
փաստաթղթեր, որպէսզի «Աղբահանութեան եւ սանիտարական մաքրման մասին»
ՀՀ օրէնքի ընդունումից յետոյ հայտարարվի օպերատորների մրցոյթ:
«Ժամանակակից քաղաքը պէտք է ունենայ բոլորովին այլ տեխնիկա եւ
սպասարկման այլ մակարդակ: Յաջորդ տարուայ ձմռանն արդէն մեր
աղբահանութեան, սանմաքրման գործառոյթները պէտք է կատարուեն
բոլորովին այլ մակարդակով»,- ընդգծել է Կ.Կարապետեանը:
Վարչական շրջանների ղեկավարներին քաղաքապետի որոշակի
լիազօրութիւնների պատուիրակման մասով նշուվել է, որ այդ գործընթացը
շարունակական է լինելու: Քաղաքապետը կարեւորել է վարչական
շրջանների ղեկավարների եւ անձնակազմերի գործառոյթների
կանոնակարգումը, ինչը կնպաստի աշխատանքներն աւելի արդիւնաւէտ
կազմակերպելուն:
Կ.Կարապետեանը յատուկ ուշադրութիւն է հրաւիրել մայրաքաղաքում
երթեւեկության կառավարման ու կանոնակարգման հետ կապուած հարցերին:
Յանձնարարուել է արագացնել ծանրաբեռնուած խաչմերուկներում եւ
կանգառներում ճանապարհային տեսախցիկների տեղադրման, ժամային նոր
գրաֆիկների մշակման եւ աւտոկայանատեղիների գործունէութիւնը
օրինական դաշտ բերելու գործընթացը:
Ըստ Երեւանի քաղաքապետարանի Տեղեկատուութեան եւ
հասարակայնութեան հետ կապերի վարչութեան հաղորդագրութեան,
յանձնարարուել է նաեւ բիւջէտային տարուայ համար կանխատեսումներ
ներկայացնել ֆինանսական մուտքերի վերաբերեալ: Զեկուցվել է, որ
բոլոր վարչական շրջաններն արդէն ներկայացրել են 2011թ-ի բիւջէով
նախատեսուած շինարարութեան եւ բարեկարգման ծրագրերը: Ընթացքի մէջ է
գնման յայտերի ներկայացումը:
Երեւանի դպրոցներում աբոնեմենտային համակարգ ներդնելու ծրագրի
հետ կապուած յանձնարարուել է արագացնել կազմակերպչական աշխատանքները:
«Մարտի 1-ից աբոնոմենտային ծրագիրը պէտք է աշխատի: Այդ ծրագրի մէջ
պէտք է նաեւ ընդգրկել թանգարանները»,- ասել է քաղաքապետը:
Մայրաքաղաքում գործող փակ շուկաներում անհրաժեշտ պայմանների,
սանիտարական պատշաճ վիճակի ապահովման մասով հանձնարարականների
շրջանակում զեկուցվել է, որ այդ ուղղութեամբ աշխատանքներ են
տարւում: