Դեսպանն առաջարկել է Երեւանում ունենալ Հնդկաստանի փողոց
11-02-2011 17:34:00 | Հայաստան | Հասարակութիւն
ԵՐԵՎԱՆ, 11 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Երեւանի քաղաքապետ Կարեն
Կարապետեանի եւ ՀՀ-ում Հնդկաստանի արտակարգ եւ լիազօր դեսպան Աչալ
Կումար Մալհոտրայի փետրուարի 11-ի հանդիպմանը երկուստեք կարեւորվել
է զբօսաշրջութեան զարգացման, ներդրումային եւ առողջապահութեան
բնագաւառում համատեղ ծրագրերի իրականացումը:
Ըստ Երեւանի քաղաքապետարանի Տեղեկատուութեան եւ
հասարակայնութեան հետ կապերի վարչութեան հաղորդագրութեան,
Կ.Կարապետեանը նշել է, որ քաղաքապետարանը պատրաստ է ընդառաջել
մայրաքաղաքի զարգացմանն առնչուող բոլոր առաջարկութիւններին եւ
նախաձեռնություններին: Նա դեսպանին ներկայացրել է բոլոր այն
ուղղութիւնները, որոնց շրջանակում քաղաքապետարանը պատրաստ է
համագործակցել: Աչալ Կումար Մալհոտրան պատրաստակամութիւն է
յայտնել աջակցել եւ փոխադարձ հետաքրքրութիւն ներկայացնող
ոլորտներում գործակցութեան եզրեր գտնել:
Հաշուի առնելով այն հանգամանքը, որ Հնդկաստանում հայկական
անուանումներով բազմաթիւ փողոցներ կան, դեսպանն առաջարկել է
Երեւանում նույնպես ունենալ Հնդկաստանի փողոց: Կ.Կարապետեանը
վստահեցրել է, որ քաղաքապետարանը կարձագանքի այս առաջարկին: