Հայաստանի նկարիչների միութիւնում բացուել է «ART EXPO-2011»
արուեստների ցուցահանդէսը
11-02-2011 15:56:00 | Հայաստան | Մշակոյթ
ԵՐԵՎԱՆ, 11 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 11-ին Հայաստանի
նկարիչների միութիւնում բացուել է «ART EXPO-2011» արուեստների
ցուցահանդէսը, որը ՀՀ Մշակոյթի նախարարութիւն նախաձեռնութեամբ
արդէն երրորդ տարին անընդմէջ կազմակերպում է «Էքսպոմեդիա»
կենտրոնը:
Ցուցահանդէսի բացմանը ներկայ է գտնուել ՀՀ նախագահ Սերժ
Սարգսեանը: Նա շրջել է արուեստի տարբեր ոլորտներ ներկայացնող մօտ
հինգ տասնեակ պետական եւ հասարակական մշակոյթային
կազմակերպութիւնների` թանգարանների, ցուցասրահների, թատերական,
համերգային կազմակերպութիւնների, փառատոների տաղավարներում,
ծանօթացել 2010թ.-ին մշակոյթի ոլորտում նրանց իրականացրած
աշխատանքներին ու ձեռքբերումներին, ինչպէս նաեւ նոր նախագծերին:
«ART EXPO-2011» ցուցահանդեսին ներկայացուել են նաեւ
պատմամշակութային եւ ոչ նիւթական մշակոյթային ժառանգութիւնը,
կինոարվեստը, մշակոյթային կրթութիւնը, հոբելյանների առիթով
ստեղծուած հրատարակութիւնները, ալբոմները, խտասկավառակները:
Ինչպէս «ՆՏ»-ին յայտնեցին ՀՀ նախագահի Մամլոյ գրասենեակից,
Ս.Սարգսեանը այցելել է ցուցահանդէսի շնորհանդեսային սրահ եւս,
որտեղ մշակոյթային կազմակերպութիւնները հանդէս կգան ֆիլմերի
ցուցադրություններով, տարաբնոյթ կրթական ծրագրերով,
դասախօսութիւններով եւ շնորհանդեսներով: