Հաստատուել է «Նորավանք» ԳԿՀ-ի 2010թ.-ի տարեկան
գործունէութեան հաշուէտւութիւնը
01-02-2011 15:44:00 | Հայաստան | Հասարակութիւն
ԵՐԵՎԱՆ, 1 ՓԵՏՐՈՒԱՐԻ, ՆՈՅԵԱՆ ՏԱՊԱՆ: «Նորավանք» գիտակրթական
հիմնադրամի հոգաբարձուների խորհրդի փետրուարի 1-ին
կառավարութիւնում տեղի ունեցած նիստում, որը վարել է վարչապետ,
հոգաբարձուների խորհրդի նախագահ Տիգրան Սարգսեանը, ԳԿՀ-ի գործադիր
տնօրէն Գագիկ Յարութիւնեյանը ներկայացրել է հիմնադրամի 2010թ.-ի
տարեկան գործունէութեան ամփոփ հաշուէտւութիւնը: Նա, մասնաւորապէս,
զեկուցել է հաշուետու տարում հիմնադրամի Հայագիտական, Քաղաքական
հետազօտութիւնների, Տեղեկատուական հետազօտութիւնների,
Ուսումնական, Հրատարակչական կենտրոնների կողմից եւ Գործունէութեան
ապահովման ծրագրի շրջանակներում իրականացուած աշխատանքների մասին:
Հարցի առնչութեամբ ծաւալուած մտքերի փոխանակումից յետոյ խորհուրդը
հաստատել է այն:
Կարեւորելով հիմնադրամի գործունէութեան ուղղութիւնների եւ
գործառոյթների յստակեցումը, Տ.Սարգսեանը յանձնարարել է «Նորավանք»
ԳԿՀ-ի գործադիր տնօրենին յաջորդ նիստում հոգաբարձուների խորհրդին
ներկայացնել հիմնադրամի կանոնադրական նպատակներից բխող
ռազմավարական բնոյթի ծրագրեր:
Ըստ ՀՀ կառավարութեան Տեղեկատուութեան եւ հասարակայնութեան հետ
կապերի վարչութեան հաղորդագրութեան, օրակարգի մէկ այլ հարցով
հոգաբարձուների խորհրդի հաւանութեանն է արժանացել «Նորավանք» ԳԿՀ-ի
կանոնադրութեան մէջ` նիստերի անցկացման պարբերականութեան
վերաբերեալ փոփոխութիւններ կատարելու առաջարկը: