Լեռնային Ղարաբաղի հարցի կարգաւորման վերաբերեալ միջազգային կառոյցների եւ գերտերութիւնների կողմից հաւասարակշռող յայտարարութիւնները այլեւս անարդիւնաւէտ են. դրանք պէտք է ուղղուած լինեն կոնկրէտ ռազմատենչ յայտարարութիւնների եւ ռազմական սադրանքների հեղինակ Ադրբեջանին։ Այս մասին ՀՀ ԱԺ պատգամաւորների մայիսի 10-ի յայտարարութիւնների ժամին նշեց Պաշտպանութեան, ազգային անվտանգութեան եւ ներքին գործերի խորհրդարանական մշտական յանձնաժողովի նախագահ Հրայր Կարապետեանը (ՀՅԴ)։ Նա պարզաբանեց, որ Ադրբեջանի գործողութիւնները կարող են ուղղակիօրէն յանգեցնել լայնածաւալ պատերազմի։ Պատգամաւորը միաժամանակ ընդգծեց, որ Ադրբեջանը գործի է դնում շանտաժի լեզուն, քանի որ իրականում պատրաստ չէ պատերազմի. եթէ պատրաստ լինէր, մէկ օր անգամ չէր յապաղի։ Այս նկատառումները պատգամաւորը փոխանցել է Երեւանում գտնուող ԵԱՀԿ խորհրդարանական վեհաժողովի նախագահին։ «Ժամանակն է, որ մեր դիւանագիտութիւնը աւելի կոշտ ձեւակերպումներով հանդէս գա եւ պահանջի միջազգային պատժամիջոցնէր կիրառել Ադրբեջանի նկատմամբ»,- ասաց Հրայր Կարապետեանը։

---