ԵՐԵՎԱՆ, 15 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հիւսիսային Կովկաս - Անդրկովկաս մայրուղային գազատարի վրայ պրոֆիլակտիկ աշխատանքների կապակցութեամբ սեպտեմբերի 15-ից մինչեւ 17-ը ամբողջութեամբ կդադարեցուի Վրաստան եւ Հայաստան բնական գազի մատակարարումը: Այս մասին «հայռուսգազարդ»-ին եւ Վրաստանի գազափոխադրման ընկերութիւններին տեղեկացրել են «Գազպրոմէքսպորտ» ՍՊԸ-ից: Ըստ «ՆՏ»-ին տրամադրած մամլոյ հաղորդագրութեան, Հայաստան գազի մատակարարման դադարեցումը սպառման շուկայում որեւէ փոփոխութիւն չի առաջացնի:

---