Շանհայի «Բարեկեցիկ քաղաք, բարեկեցիկ կեանք» ցուցահանդեսին
Հայաստանը ներկայանալու է իւրատեսակ ցուցադրությամբ
16-03-2010 19:16:00 | Հայաստան | Տնտեսութիւն
ԵՐԵՎԱՆ, 16 ՄԱՐՏԻ, ՆՈՅԵԱՆ ՏԱՊԱՆ: Սլովակիայի արտաքին գործերի
նախարար Միրոսլավ Լայչակի Հայաստան պաշտօնական այցի շրջանակներում
մարտի 18-ին տեղի կունենայ հայ-սլովակեան գործարար համաժողով, իսկ
ապրիլի 8-9-ին կայանալիք Հայ-թուրքմենական միջկառավարական
յանձնաժողովի նիստի շրջանակներում կանցկացուի հայ-թուրքմենական
գործարար համաժողով: Բացի դրանից, մայիսին Հայաստանում
բիզնես-ֆորում է կազմակերպուելու, որին կհրավիրեն խոշորագոյն
ներդրումային ընկերութիւններ եւ կներկայացուեն ներդրումային
ծրագրեր: Այս մասին մարտի 16-ի ասուլիում յայտնեց Զարգացման
հայկական գործակալութեան (ԶՀԳ) գլխաւոր տնօրէն Ռոբերտ
Յարութիւնեյանը: Ըստ նրա, նման համաժողովները թոյլ են տալիս
բացայայտել բոլոր այն հնարաւորութիւնները, որ առկայ են երկրների
համագործակցութեան մէջ:
Ռ.Յարութիւնեյանը տեղեկացրեց, որ ապրիլին Աբու Դաբիում տեղի է
ունենալու սննդամթերքի ցուցահանդէս, եւ գործակալութիւնն այժմ
աշխատում է հայկական տաղաւարի ստեղծման ուղղութեամբ: Արդէն
ցուցահանդեսին մասնակցութեան ցանկութիւն են յայտնել հայկական
15-20 ընկերութիւններ:
Անդրադառնալով Շանհայի «Բարեկեցիկ քաղաք, բարեկեցիկ կեանք»
ցուցահանդեսին, Ռ.Յարութիւնեյանը նշեց, որ Հայաստանը ներկայանալու
է իւրատեսակ ցուցադրությամբ` «Միտք եւ ժամանակ» խորագրով, որի
շրջանակում ցուցադրվելու է «Աշխարհի քաղաք» կոնցեպտը: «Չինական
կողմն արդէն առանձնացրել է մեր կոնցեպտը` որպէս շատ հետաքրքիր, եւ
Հայաստանը միակ երկիրն է, որ հնարաւորութիւն է ստացել անընդհատ
դինամիկ փոփոխել տաղաւարը»,- նշեց Ռ.Յարութիւնեյանը: