Ադրբեջանում Իրանի դեսպանատունը հերքել է Հայաստանի
զանգվածային լրատւութեան հաղորդագրութիւնը
23-02-2010 18:30:00 | | Քաղաքական
ԹԵՀՐԱՆ, 23 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Ինչպէս
յայտնել է Ադրբեջանում Իրանի դեսպանատան տեղեկատուական
ծառայութիւնը, պաշտօնական Թեհրանի դիրքորոշումը Ղարաբաղեան
հակամարտութեան վերաբերեալ մնացել է անփոփոխ եւ այդ մասին արդէն
յայտնել են Իրանի նախագահը, արտգործնախարարը եւ այլ պաշտոնեաներ:
Իրանը ճանաչում է Ադրբեջանի տարածքային ամբողջականութիւնը եւ
երբեք չի հերքի այդ փաստը:
Իրանի դեսպանատունը նաեւ հերքել է Հայաստանի զանգվածային
լրատւութեան միջոցների հաղորդագրութիւնը, յայտարարելով, որ նրանք
հեղաթյուրել են Երեւանում իրանական դիւանագէտների
յայտարարութիւնը: Հաղորդագրութեան մէջ ասւում էր, որ Հայաստանում
Իրանի դեսպանատունը ելոյթ է ունեցել իրանական խորհրդարանի
փոխխոսնակի կարծիքի դէմ` հակասելով Ադրբեջանի տարածքային
ամբողջականութեան վերաբերեալ Իրանի դիրքորոշմանը:
Հայաստանում Իրանի դեսպանատան ներկայացուցիչ` Արդեշիր Ջավադին
յայտնել է, որ միայն նախագահը, արտգործնախարարը եւ
արտգործնախարարությունը կարող է արտայայտուել Իրանի` արտաքին
քաղաքականութեան խնդիրների վերաբերեալ պաշտօնական դիրքի
վերաբերեալ:
ԴԱՍ. ՀԱՅԵՐԵՆ 
Հայերեն
Русский
English
French