ԱՄՀ-ը ընթացիկ տարուայ մարտին կքննարկի Հայաստանին 74 մլն
դոլարի չափով ֆինանսական աջակցութիւն տրամադրելու հարցը
17-02-2010 20:42:00 | Հայաստան | Տնտեսութիւն
ԵՐԵՎԱՆ, 17 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Արժոյթի միջազգային
հիմնադրամը ընթացիկ տարուայ մարտին կքննարկի Հայաստանին 74 մլն
դոլարի չափով ֆինանսական աջակցութիւն տրամադրելու հարցը: Այս
մասին փետրուարի 17-ի ասուլիսում յայտնեց Հայաստանում ԱՄՀ-տ
առաքելութեան ղեկավար Մարկ Լյուիսը: Նա նշեց, որ ընդհանուր առմամբ
պահուստային ծրագրով, որը նախատեսուած է Հայաստանի արտաքին
պահուստները համալրելու համար, Հայաստանը կստանայ մօտ 800 մլն
դոլարի վարկ, որի կէսն արդէն ստացել է, իսկ միւս կէսը կսկսի
ստանալ այժմուանից մինչեւ 2011թ.-ի յունիսը:
Ինչ վերաբերում է ճգնաժամին, հիմնադրամի մասնագէտները վաստահ
են, որ դրա երկրորդ ալիքն աշխարհին եւ, մասնաւորապէս, Հայաստանին
չի սպառնում: Ըստ նրա, 2010 թ.-ին Հայաստանի իրական ՀՆԱ-ի աճը
կկազմի մօտ 2 տոկոս, իսկ գնաճը կլինի 6 տոկոսի սահմանում:
Մ.Լյուիսը նշեց, որ Հայաստանում վերջին ամիսներին նկատուած բարձր
գնաճի հիմնական պատճառը արտաքին զարգացումներն են, ինչպէս նաեւ
2009թ.-ի մարտին դրամի փոխարժէքի կտրուկ բացթողումը: Սակայն, ըստ
նրա, 2010թ.-ի կէսից կնկատվի գնաճի նուազում:
Անդրադառնալով հայ-թուրքական սահմանի բացմանը, ԱՄՀ-ի
հայստանյան առաքելութեան ղեկավարը նշեց. «Եթէ սահմանը բացուի, դրա
առաջին ազդեցութիւնը կլինի տրանսպորտային ծախսերի նուազումը, ինչի
շնորհիւ Հայաստանի բնակչութեան ապրուստի ծախսերը կիջնեն: Աւելի
կէժանանան ներմուծվող լայն սպառման ապրանքները, ինչը նշանակում է
իրական կենսամակարդակի բարելաւում»: Սակայն, ըստ նրա, Հայաստանի
կառավարութիւնը պիտի կարողանայ դիմակայել նոր ստեղծուած մրցակցային
պայմաններին: