ԵՐԵՎԱՆ, 13 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 17-ի ժամը 14-ին Հայ Ազգային Կոնգրեսը միաժամանակ բողոքի գործողութիւն/ցույցեր է կազմակերպելու Ապարանում, Մասիսում, Մարտունիում եւ Երեւանում: «Քաղբանտարկյալների ազատ արձակման պահանջով անցկացուելիք ցույցերին կմասնակցեն եւ ելոյթներ կունենան ՀԱԿ-ի անդամ կուսակցութիւնների, ՀԱԿ-ի Կենտրոնական գրասենեակի ներկայացուցիչները: Ելոյթներում անդրադարձ կլինի նաեւ Հայաստանում սոցիալ-տնտեսական իրավիճակին, կոռուպցիային, դատաիրավական ոլորտում ստեղծուած ծանր դրութեանը»,- ասուած է Հայ Ազգային կոնգրեսի կենտրոնական գրասենեակի լրատուական ծառայութեան հաղորդագրութիւնում:

---