30-11-2010 18:07:28 | | Ի՞նչ է գրում սփյուռքի մամուլը
Մարմարա
20 Նոյեմբերին, Յունական Կիպրոսի մէջ փառաշուք համերգ մը սարքեց հայաստանցի անուանի երաժիշտ եւ յօրինող Արա Գէորգեան, Կիպրոսի Ֆիլհարմոնիք նուագախումբի եւ Համազգայինի Կիպրոսի «Սիփան» պարախումբի ընկերակցութեամբ։ Յունական Կիպրոսի 50ամեակին ձօնուած այս աննախընթաց համերգը իրենց ներկայութեամբ պատուեցին երկրի Նախագահն ու Առաջին Տիկինը, Խորհրդարանի հայազգի նախագահ Մարիոս Կարոյեան, նախարարներ, երեսփոխաններ, դեսպաններ եւ հրաւիրեալներու հոծ բազմութիւն մը, որ ծայրէ ի ծայր լեցուցած էր Սթրովոլոյի քաղաքապետարանի ընդարձակ սրահը։
Արա Գէորգեան աւանդական ու ելեկտրոնային իր նուագարաններով եւ նուագախումբի ու պարախումբի ընկերակցութեամբ հրամցուց 17 ստեղծագործութիւններ, արժանանալով ներկաներու որոտընդոստ ծափերուն։