Մարմարա Ամերիկահայ աշխարհահռչակ արուեստագիտուհի Շէր, որ արժանաւորապէս վաստկած է «փոփ երաժշտութեան աստուածուհի» տիտղոսը, յաւերժօրէն դրոշմուեցաւ Հոլիվուտի մէջ։ 18 Նոյեմբերին, Լոս Անճէլըսի մէջ, Հոլիվուտի ծառուղիի վրայ, Կրաումանի չինական յայտնի թատրոնի դիմաց կայացաւ Շէրի ձեռքերու եւ ոտքերու հետքը թողելու արարողութիւնը՝ պէթոնի մէջ։ Չինական թատրոնը բացուած է 18 Մայիս 1927ին եւ կը գտնուի Հոլիվուտի Փառքի ծառուղիի վրայ։ Թատրոնի դիմաց յաւերժանալու պատուին շատ փոքր թիւով աստղեր արժանացած են. Ֆրէնք Սինաթրա, Քլինթ Իսթֆուտ, Ճէք Նիքըլսըն, եւ ուրիշներ։

---