Հ. Բ. Ը. միութեան վերանորոգւած կենտրոնատեղիի բացումը
15-11-2010 16:56:57 | | Ի՞նչ է գրում սփյուռքի մամուլը
«ԱԼԻՔ»
Շաբաթ, նոյեմբերի 13-ի երեկոյեան Թեհրանի հայոց թեմի առաջնորդ Տ. Սեպուհ արք. Սարգսեանի ձեռամբ կատարւեց Թեհրանի Հայկ. բարեգործական ընդհ. միութեան վերանորոգւած եւ բարեփոխւած կենտրոնատեղիի բացումը, որից յետոյ տեղի ունեցած հանդիսութեան ընթացքում նախ վերանորոգման աշխատանքները ներկայացնող սահիկների ցուցադրութեամբ տրւեց այդ աշխատանքների համառօտ զեկոյցը եւ յուշանւէրներ յանձնւեցին դրանց իրականացման գործին մասնակցած անձանց: Թեհրանի Հայկ. բարեգործական ընդհ. միութեան խօսքը փոխանցեց միութեան նախագահուհի Աստղիկ Բաբայեանը, ապա ծրագրի գեղարւեստական բաժնում կատարւեցին՝ ասմունքներ, մեներգեր եւ պարեր:
Հանդիսութեան աւարտին իր արտայայտութիւններն ունեցաւ Սրբազան Հայրը: