Լիբանանի կիրակնօրեայ դպրոցների սաները ելոյթ են ունեցել
«Ուխտի օրուայ» նախօրեակին
24-03-2010 15:41:00 | | Հասարակութիւն
ԱՆԹԻԼԻԱՍ, 24 ՄԱՐՏԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Մարտի 20-ին,
Ս. Գրիգոր Լուսաւորչի չարչարանքների եւ Խոր Վիրապ մտնելու տոնի,
ինչպէս նաեւ, կաթողիկոսարանի Ուխտի օրուայ առթիւ, Ս. Գրիգոր
Լուսաւորիչ մայր տաճարում, Հսկումի արարողութիւնից յետոյ տեղի է
ունեցել հայ եկեղեցու կիրակնօրեայ դպրոցների վարիչ տնօրինության
կազմակերպած հանդիսութիւնը,- հաղորդում են Անթիլիասի մայրավանքից:
Ս. Գրիգոր Լուսաւորչին նուիրուած աղօթքներով, շարականներով ու
երգերով հանդէս են եկել Լիբանանի թեմի կիրակնօրեայ դպրոցների
պատանեկան «Շողակաթ» երգչախումբը եւ մայրավանքի կիրակնօրեայ դպրոցի
սաները: Հանդիսութեան վերջում իր օրհնութեան խօսքն է ասել Մայր
տաճարի լուսարարապետ Կոմիտաս արքեպիսկոպոս Օհանյանը:
ԴԱՍ. ՀԱՅԵՐԵՆ 
Հայերեն
Русский
English
French