Իլիայ Երկրորդն ընդունեց Վրաստանում Հայաստանի դեսպան Յովհաննէս Մանուկեանին
02-05-2011 18:12:33 | | Քաղաքական
Ապրիլի 29-ին Համայն Վրաստանի Կաթողիկոս-պատրիարք Իլիայ Երկրորդն ընդունեց Վրաստանում Հայաստանի դեսպան Յովհաննէս Մանուկեանին:
Հանդիպմանը մասնակցեցին նաեւ Հայաստանեայց Առաքելական Սուրբ
Եկեղեցու Վիրահայոց թեմի առաջնորդ Տ. Վազգէն եպիսկոպոս Միրզախանեանը եւ Վրաստանի նախագահի խորհրդական Վան Բայբուրթը:
Հանդիպման ընթացքում քննարկուեցին երկու քոյր-եկեղեցիների յարաբերութիւններին առնչուող հրատապ հարցեր, այդ թւում` Վրաստանում ներկայացուած աւանդական դաւանանքների եկեղեցիներին իրաւաբանական կարգավիճակ տրամադրելու խնդիրը:
Զրոյցի ժամանակ շեշտուեց հայ եւ վրաց ժողովուրդների միջեւ պատմականօրէն ձեւաւորուած բարիդրացիական կապերի յետագայ զարգացման անհրաժեշտութիւնը:
ԴԱՍ. ՀԱՅԵՐԵՆ 
Հայերեն
Русский
English
French