Ամերիկեան հասարակութեան մէջ առկայ է համատարած դժգոհութիւն եւ անվստահութիւն երկու հիմնական թեկնածուներու՝ Հիլըրի Քլինթընի եւ Տանըլտ Թրամփի հանդէպ: Ամերիկահայերը նոյնպէս բացասաբար են տրամադրուած այս թեկնածուներուն նկատմամբ: Աւելի ճշգրիտ՝ Քլինթըն ցոյց տուած է, որ հայկական հարցերով կարելի չէ վստահիլ իրեն, իսկ Տանըլտ Թրամփի դիրքորոշումը յայտնի չէ: 

 

Զարմանալիօրէն, ոչ Քլինթըն, ոչ ալ Թրամփ որեւէ ջանք կը գործադրեն ամերիկահայ ընտրողները գրաւելու համար՝ հակառակ նախագահական տաք մրցավազքին: Երկու թեկնածուներն ալ չեն մասնակցած որեւէ հայկական ձեռնարկի, չեն կազմակերպած հանդիպումներ համայնքի անդամներու հետ եւ չեն ձգտած դրամական միջոցներ ներգրաւել անոնցմէ: Գերադասելի է, որ նախագահի թեկնածուները որեւէ խոստում չտան, եթէ չեն պատրաստուիր իրագործել զայն, այսպիսով ամերիկահայերը չեն վատներ իրենց դրամն ու քուէները, իսկ ընտրութիւններէն ետք անոնք կը փրկուին աւելի մեծ վրդովումէ եւ հիասթափութենէ:  

 

Ի հարկէ, ամէն մարդ ազատ է իր նախընտրած թեկնածուին իր քուէն տալու: Նաեւ իւրաքանչիւրը ազատ է քուէարկելու երրորդ կուսակցութեան թեկնածուներու օգտին կամ բնաւ չքուէարկելու:

 

Մինչ լրատուական միջոցները մշտապէս կը լուսաբանեն նախագահի թեկնածուներու մասին, կան տեղական եւ նահանգային բազմաթիւ ընտրութիւններ, որոնց վերաբերեալ լուրերը հազուադէպ են: Օրինակ՝ Գոնկրեսի 435 անդամները եւ Ամերիկայի Միացեալ Նահանգներու 100 ծերակուտականներու մէկ երրորդը, որոնք պիտի ընտրուին կամ վերընտրուին Նոյեմբեր 8-ին:

 

Ի տարբերութիւն Սպիտակ Տան թեկնածուներու, որոնք ընտրութիւններէն ետք կրնան զօրակցիլ կամ չզօրակցիլ հայկական հարցերուն, Ներկայացուցիչներու Պալատի եւ Ծերակոյտի անդամներու մեծ մասը արդէն քանի մը տարի աշխատած է Գոնկրեսի մէջ եւ, հետեւաբար, հայկական հարցերու վերաբերեալ անոնց դիրքորոշումները յայտնի են: Ուստի, անոնց ի նպաստ քուէարկելու համար գուշակութեան կարիք չկայ…: Անոնք ապացուցուած փորձ ունին՝ դրական, բացասական կամ միջանկեալ:

 

Ստորեւ ներկայացուած է ցանկը Ներկայացուցիչներու Պալատի եւ Ծերակոյտի միայն այն անդամներուն, որոնք ստացած են գերազանց (A) կամ չափազանց վատ (F) գնահատական Ամերիկայի Հայ Դատի Յանձնախումբի կողմէ՝ ամերիկահայերու հարցերու մասին վերջին երկու տարիներու ընթացքին անոնց դիրքորոշումներու մանրակրկիտ ուսումնասիրութենէն ետք: Անոնք, որոնք ստացած են A գնահատականը, արժանի են հայ համայնքի զօրակցութեան: Անոնք, որոնք իրենց անուան դիմաց ունին F տառը, խիստ բացասական դիրքորոշում ունին հայկական հարցերու վերաբերեալ, ուստի անոնք պէտք չէ ստանան հայ համայնքի զօրակցութիւնը: D եւ R տառերով նշուած են դեմոկրատները եւ հանրապետականները: Գոնկրեսի բոլոր անդամներու ամբողջական ցանկը եւ անոնց գնահատականները դիտելու համար կը խնդրենք այցելել հետեւեալ կայքը. www.anca.org/report-card:

 

Ալասքա. Տոն Եանկ (R) F:

 

Գալիֆորնիա. Ճեֆ Տենհամ (R) A, Պարպարա Լի (D) A, Ճեքի Սփայըր (D) A, Ճիմ Գոսթա (D) A, Աննա Էշու (D) A, Զոյ Լոֆկրէն (D) A, Տէյվիտ Վալատաօ (R) A, Տեւըն Նունէս (R) A, Ճուտի Չու (D) A, Էտըմ Շիֆ (D) A, Թոնի Քարտենաս (D) A, Պրէթ Շերմըն (D) A, Կրէյս Նափոլիթանօ (D) A, Թէտ Լիւ (D) A, Քէրըն Պաս (D) A, Լինտա Սանչէս (D) A, Էտուըրտ Ռոյս (R) A, Լիւսիլ Ռոյպալ-Ալարտ (D) A, Ալան Լովենտալ (D) A, Տանա Ռոհրապաչըր (R) A. ներկայացուցիչ Լորեթա Սանչէս (D) A (առաջադրուած է Ծերակոյտ եւ հաւանութեան արժանացած է Հայ Դատի Յանձնախումբի կողմէ):

 

Գոլորատօ. ծերակուտական Քորի Կարտնըր (R) A, Ճարէտ Փոլիս (D) A, Մայք Քոֆման (R) A, Էտուին Փեռլմութըր (D) A:

 

Ֆլորիտա. ծերակուտական Մարքօ Ռուպիօ (R) A, Կաս Պիլիրաքիս (R) A:

 

Ճորճիա. Տակ Քալինզ (R) F:

 

Իլինոյ. ծերակուտական Ռիչըրտ Տուրպըն (D) A, ծերակուտական Մարք Քըրք (R) A, Տէնիըլ Լիփինսքի (D) A, Մայք Քուիկլի (D) A, Ճենիս Շչակովսքի (D) A, Ռապըրթ Տոլտ (R) A:

 

Մերիլենտ. Ճան Սարպանէս (D) A, Քրիսթըֆըր Վան Հալըն (D) A (առաջադրուած է Ծերակոյտ եւ հաւանութեան արժանացած է Հայ Դատի Յանձնախումբի կողմէ):

 

Մասաչուսէց. ծերակուտական Էտուըրտ Մարքի (D) A, ծերակուտական Էլիզապէթ Ուորըն (D) A, Ճէյմզ Մաքկավըրն (D) A, Նիքի Ցոնկաս (D) A, Ճօ Քենըտի (D) A, Քեթրըն Քլարք (D) A: 

 

Միշիկըն. Ծերակուտական Կէրի Փեթըրզ (D) A, ծերակուտական Տեպի Սթապընով (D) A, Սանտըր Լեւըն (D) A, Տէյվիտ Թրաթ (R) A, Ճոն Քոնեըրզ (D) A:

 

Մինեսոթա. ծերակուտական Էմի Քլոպուչըր (D) A, Պեթի ՄաքՔոլըմ (D) A, Քոլին Փեթերսըն (D) A:

 

Մոնթանա. Ռայան Զինք (R) F:

 

Նեւատա. Տինա Թիթուս (D) A, Ճօ Հէք (R) A (առաջադրուած է Ծերակոյտ եւ հաւանութեան արժանացած է Հայ Դատի Յանձնախումբի կողմէ):

 

Նիւ Ճըրզի. ծերակուտական Ռապըրթ Մենենտէզ (D) A, Քրիստըֆըր Սմիթ (R) A, Սքաթ Կարէթ (R) A, Ֆրանք Փալոն (D) A, Տանըլտ Փէյն (D) F:

 

Նիւ Եորք. ծերակուտական Չարլզ Շումըր (D) A, Կրէյս Մենկ (D) A, Գերըլայն Մելընի (D) A, Էլիըթ Էնկըլ (D) A, Փօլ Թոնքօ (D) A.

 

Հիւսիսային Գարըլայնա. Վըրճինիա Ֆոքս (R) F:

 

Օհայօ. Մայքըլ Թեռնըր (R) F, Թիմ Ռայան (D) F:

 

Փենսիլվանիա. Սքաթ Փերի (R) F, Պիլ Շուսթըր (R) F:

 

Ռոտ Այլընտ. ծերակուտական Ճէք Ռիտ (D) A, Շելտըն Ուայթհաուս (D) A, Տէյվիտ Սիսիլինէ (D) A,  Ճէյմզ Լանկըվին (D) A:

 

Թենըսի. Սթիվըն Այրա Քոհէն (D) F:

 

Թեքսաս. Ճօ Պարթըն (R) F, Փիթ Օլսըն (R) F, Հենրի Քուելեար (D) F, Ճին Կրին (D) F, Փիթ Սեշընզ (R) F:

 

Վըրճինիա. Տէյվ Պրաթ (R) A, Ճերըլտ Քոնոլի (D) F: 

 

Ասոնցմէ բացի, կան երկու ամերիկահայ թեկնածուներ, որոնք արժանի են ձեր զօրակցութեան.

Անոնք, որոնք կ՛ապրին Նեւատայի 3-րդ գոնկրեսական շրջանին մէջ, կոչ կը կատարուի քուէարկել Տենի Թարքանեանի (հանրապետական) օգտին:

 Անոնք, որոնք կ՛ապրին Գալիֆորնիոյ Assembly 43-րդ շրջանին մէջ, պէտք է քուէարկեն Արտաշէս Քասախեանի (դեմոկրատական) օգտին:

 

Արեւմտահայերէնի վերածեց՝ Սեդա Գրիգորեան

 

 

 

 

  -   Յօդուածներ