Կանադայի հայ համայնքն իր օգնութիւնն է ցուցաբերում Հայիթիին
25-01-2010 15:30:00 | Հայաստան | Հասարակութիւն
ԵՐԵՎԱՆ, 25 ՅՈՒՆՎԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Կանադայի
հայկական եկեղեցու պատրիարքարանը դիմել է բոլոր կանադահայերին`
խնդրելով նուիրատւութիւն կատարել յունվարի 12-ին ուժգին
երկրաշարժից տուժած Հայիթիին, որի զոհերի թիւը Միջազգային կարմիր
խաչի գնահատմամբ, հասել է մօտ 100.000-ի:
Կանադահայերի կոնգրեսը իր ցավակցական ուղղերձն է ուղղարկել
Հայիթիում բնակուող ժողովրդին եւ աջակցել է պատրիարքարանի
նախաձեռնութեանը: Նշւում է, որ օգնութեան կարիք ունեն բոլոր
փրկվածները եւ առանց միջազգային համայնքի աջակցութեան Հայիթին չի
կարող վերականգնվել:
«Ակասկած, հայերը գիտեն աւերիչ երկրաշարժի ցավը, երբ
1988թ. դեկտեմբերի 7-ին շուրջ 20.000 հայեր էին զոհուել եւ
հազարաւոր հայեր տուժել եւ մնացել էին անօթեւան: Հենց այդ ժամանակ
էր, որ միջազգային համայնքն իր օգնութիւնն էր առաջարկել
Հայաստանին: Այժմ արդէն մեր հերթն է օգնութեան ձեռք մեկնել
Հայիթիում տուժածներին»,- գտնում են Կանադայի հայ համայնքի
անդամները: