Ճապոնիայի դեսպանատունը պաշտօնական բողոք է ներկայացրել ֆրանսիական Chanal + հեռուստաալիքի նկատմամբ, որի եթերի ժամանակ հումոր է հնչել Ճապոնիայում տեղի ունեցած ցունամիի վերաբերեալ: Հեռուստատեսային շոույի ժամանակ ցուցադրուել են 1945 թ-ին Հերոսիմայի պայթիւնի հետեւանքով առաջացած աւիրածութիւնների եւ Սեդայ քաղաքում վերջերս տեղի ունեցած ցունամիի նկարները: Հաղորդավարը հայատարարել է, որ Ճապոնիան կարծես չի վերականգնուել պատերազմից յետոյ: Ֆրանսիայում ապրող ճապոնացիները այս առիթով բողոք են ներկայացրել Ճապոնիայի դեսպանատուն: Ի պատասխան դեսպանատան բողոքի, հեռուստաալիքը նշել է, որ կատակում է առանց բացառութեան բոլորի հետ եւ հեռուստաալիքը մասնակցել է ցունամիից տուժածներին ուղղուած բարեգործական երեկոյին: Բայց դեսպանատանն այս պատասխանը չի գոհացրել եւ նոր նամակ է գրել հեռուստաալիքին: Յիշեցնենք, որ Ճապոնիայում ցունամի առաջացրած երկրաշարժը տեղի է ունեցել 2011 թուականի մարտի 11-ին, որի հետեւանքով մօտ14.000 մարդ է զոհուել:

---