Արամ Խաչատրեանի անուան Օպերայի եւ բալետի ազգային ակադեմիական թատրոնում ապրիլի 30-ին տեղի ունեցաւ հայ անուանի կոմպոզիտոր Ռոբերտ Ամիրխանեանի «...Երդւում եմ Քեզ, իմ երկիր...» խորագրով համերգն ու «Հայաստանի ձայնը» ձայնասկաւառակի շնորհանդէսը: Համերգին ելոյթ ունեցան Հայաստանի պետական երիտասարդական նուագախումբը, մենակատարներ Սեդա Ամիր- Կարայեանը, Գուրգէն Բաւեյեանը, Իրինա Զաքեանը, Գէորգ Յակոբեանը, Յովհաննէս Այվազեանն ու «Պրոմենադ» վոկալ անսամբլը: Լրագրողների հետ զրոյցում կոմպոզիտորը նշեց, որ ձայնասկաւառակում զետեղուած էն ինչպէս արդէն հանրութեան կողմից սիրուած, այնպէս էլ 16 նոր երգեր: «Այս ձայնասկաւառակի շնորհիւ կը կամրջուէն իմ եւ արուեստասէր հասարակութեան հոգիները»,- ասաց Ռ.Ամիրխանեանը` յաւելելով, որ իր առաջին ձայնասկաւառակը միայն հիմա է թողարկւում, քանի որ նոր է սկսել ուշադրութիւն դարձնել հեղինակային իրաւունքին: «Կոմպոզիտորը ոչ թէ նա է, ով ստեղծագործում է, այլ այն մարդը, ով չի կարող չստեղծագործել: Էս, ի հարկէ, զինուոր եւ հոգեւորական չեմ , բայց ունեմ պատուի մասին իմ ուրոյն պատկերացումները եւ հասկանում եմ, որ իւրաքանչիւր հայրենասէր մարդ պէտք է անսահման սիրի իր հայրենիքը»- անդրադառնալով խորագրի ընտրութեանը` ասաց Ռ.Ամիրխանեանը: Իր հերթին նուագախմբի գեղարուեստական ղեկավար եւ դիրիժոր Սերգեյ Սմբատեանն էլ նշեց, որ Ռ.Ամիրխանեանը բեմի մեծ վարպետ է, ում երաժշտութիւնը գերում է բոլորի սրտերը: Միջոցառմանը ներկայ էին ՀՀ նախագահ Սերժ Սարգսեանը, ՀՀ մշակոյթի նախարար Յասմիկ Պօղոսեանը, Երեւանի քաղաքապետ Կարէն Կարապետեանը, մշակութային եւ հասարակական գործիչներ եւ այլոք:

---