Դեկտեմբերի 17-ին կկայանայ Հայ կազակութեան առաջին մեծ
համաժողովը
16-12-2009 18:00:00 | Հայաստան | Հասարակութիւն
ԵՐԵՎԱՆ, 16 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Երեւանում դեկտեմբերի 17-ին տեղի կունենայ Հայ կազակութեան առաջին
մեծ համաժողովը (Բոլշոյ կրուգ):
Համաժողովը անց է կացւում վերջերս ստեղծուած Հայ կազակութեան
ատամանների խորհրդի նախաձեռնութեամբ: Ատամանների խորհրդի անդամներն
են` Հայ-կազակական բարեկամութեան եւ համագործակցութեան միջազգային
միութիւնը, Կազակների միասնութեան իշխան Վ.Մադաթովի անուան հայ
հասարակական կազմակերպութիւնը եւ Հայ-ռուսական կազակական
միաւորումը:
Ինչպէս տեղեկանում ենք Ատամանների խորհրդի լրատուական
ծառայութիւնից ստացուած հաղորդագրութիւնից, համաժողովին
կմասնակցեն շուրջ 300 պատգամաւոր, ինչպէս նաեւ ՀՀ Նախագահի
աշխատակազմի, ՀՀ Պաշտպանութեան նախարարութեան, ՌԴ Զինուած ուժերի
հրամանատարութեան, ՀՀ-ում ՌԴ-ի դեսպանութեան, Ռուսաստանի
կազակութեան ներկայացուցիչներ: