Հայաստանի Եւրոպական Շարժումը սկսել է արշաւ` ուղղուած ԵՄ
մուտք գործելու վիզաների պարզեցմանը եւ ազատականացմանը
16-12-2009 16:16:00 | Հայաստան | Հասարակութիւն
ԵՐԵՎԱՆ, 16 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի Եւրոպական
Շարժումը սկսել է արշաւ` ուղղուած ԵՄ մուտք գործելու վիզաների
պարզեցմանը եւ ազատականացմանը: Արշաւը իրականացւում է էլեկտրոնային
ճանապարհով: Այցելելով
http://www.petitiononline.com/EUVisa/petition.html հասցէն,
Հայաստանի, Վրաստանի, Ադրբեջանի, Մոլդովայի, Բելառուսի, Ուկրաինայի
եւ ԵՄ ցանկացած քաղաքացի կարող է ստորագրել յայտարարութեյան տակ,
որում ասւում է. «Մենք` Հայաստանի, Վրաստանի, Ադրբեջանի,
Մոլդովայի, Բելառուսի, Ուկրաինայի եւ ԵՄ քաղաքացիներս, խնդրում ենք
Եւրոպական Միութեան անդամ պետութիւններին եւ ԵՄ կառույցներին
ներկայացնել արեւելյան գործընկերութեան պետութիւնների` ԵՄ
երկրների համար վիզաներ ստանալու պարզեցման ճանապարհային քարտէզ եւ
հանել կամ կրճատել վիզաների տուրքը, որքան հնարաւոր է արագ: Իբրեւ
առաջնային քայլ, խնդրում ենք պարզեցնել վիզաներ ստանալու
ընթացակարգը եւ տրամադրել երկարաժամկէտ մուտքի վիզաներ»: