ԵՐԵՎԱՆ, 20 ՆՈՅԵՄԲԵՐԻ, ՆՈՅԵԱՆ ՏԱՊԱՆ: 2009թ.-Ի 10 ամիսների ընթացքում Հայաստանում արձանագրուել է 11 645 հանցագործութեան դէպք` նախորդ տարուայ նոյն ժամանակահատուածի 7521-ի դիմաց, իսկ բացայայտումը կազմել է 74,5 տոկոս` նախորդ տարուայ 61,7-ի դիմաց: Այս մասին նոյեմբերի 20-ի ասուլիսում յայտնեց ՀՀ Ոստիկանութեան Քրէական հետախուզութեան գլխաւոր վարչութեան պետ, ոստիկանութեան գնդապետ Յովհաննէս Թամամյանը Ըստ նրա, նոյն ամիսներին քրէական հետախուզութեան գծով արձանագրուել է 7222 հանցագործութեան դէպք` նախորդ տարուայ 5481-ի դիմաց: Նշուեց, որ այս հանցագործությունների գծով բացայայտումը բարելաւուել է մօտ 14 տոկոսով` նախորդ տարուայ 68,9-ից հասնելով 76,5 տոկոսի:

---