Վրաստանի հայ շրջանաւարտները ընդունելութեան քննություն
կյանձնեն մայրենի լեզւով
23-10-2009 14:50:00 | | Հասարակութիւն
ԹԲԻԼԻՍԻ, 23 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Վրաստանի բոլոր հայկական դպրոցների շրջանաւարտները 2010 թուականից
հնարաւորութիւն կստանան երկրի բարձրագոյն ուսումնական
հաստատութիւններ ընդունուել` յանձնելով միայն մէկ քննություն`
«Հիմնական կարողութիւնների» գծով: Ընդ որում, Վրաստանի կրթութեան
եւ գիտութեան նախարարութեան որոշման համաձայն, այդ միակ
քննութիւնը կարելի կլինի յանձնել մայրենի լեզւով, հաղորդում է
Analitika.at.ua-ն:
Վրաստանի հանրային հեռուստատեսութեան «Մոամբե» լրատուական
ծրագրի կարծիքով, որը եթեր է հեռարձակւում հայերէն, այդպիսով
«վերջնականապէս կլուծուի վրաց հասարակութեան մէջ ազգային
փոքրամասնությունների ներկայացուցիչների ինտեգրացման եւ ոչ
վրացախոս բնակչութեանը հաւասար իրաւունքների տրամադրման խնդիրը»:
«Հիմնական կարողություններից» քննություն յանձնած հայկական
դպրոցների շրջանաւարտները մրցոյթից դուրս կընդունուեն բուհերի զրո
կուրսեր կառավարութեան տրամադրած հաւելեալ բիւջէտային տեղերի
հաշուին: Զրո կուրսերում յատուկ ուշադրութիւն կդարձուի վրաց լեզուի
եւ գրականութեան ուսումնասիրմանը, որն աւարտելուց յետոյ ուսանողները
կկարողանան ուսումը շարունակել ընտրած մասնագիտութեամբ:
Ի դէեպ, հոկտեմբերի 23-ին, Թբիլիսիի Հավլաբարի թիւ 98 ռուսական
միջնակարգ դպրոցում, որտեղ հիմնականում սովորում են Վրաստանում
ապրող ազգային փոքրամասնությունների ներկայացուցիչներ, բացուել է
Սայաթ-Նովայի թանգարանը, որն անցկացուել է «Իմ տունը Թբիլիսին է»
դպրոցական փառատոնի շրջանակում: